అక్టోబరు 1 నుంచి సీమ కరవు నివారణ పనులు

ఏపీ ముఖ్యమంత్రి జగన్‌ 

అమరావతి: విద్యారంగంలో ఏడాదిన్నరలోగా నాడు-నేడు పనులు పూర్తి కావాలని ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌ రెడ్డి అధికారులను ఆదేశించారు. ప్రభుత్వం చేపట్టిన పనులకు నిధుల సమీకరణపై సీఎం సమీక్ష నిర్వహించారు.‘నిధుల సమీకరణపై కచ్చితమైన ప్రణాళిక ఉండాలి. లక్ష్యం నిర్దేశించుకుని వేగంగా పనులు చేయాలని స్పష్టం చేశారు. 

‘‘పాఠశాలలతోపాటు ఆసుపత్రులు, వైద్య కళాశాలల్లోనూ నాడు-నేడుకు ప్రాధాన్యమివ్వాలి. అక్టోబరు 1 నుంచి రాయలసీమ కరవు నివారణ పనులు ప్రారంభించాలి. పోలవరం నుంచి అదనపు జలాల తరలింపు త్వరగా పూర్తి కావాలి. ఉత్తరాంధ్ర సుజల స్రవంతి పనులు త్వరగా పూర్తి చేయాలని’’ అని సీఎ జగన్‌ ఆదేశించారు.