Updated : 29 Dec 2021 09:10 IST

TS News: మహిళా కండక్టర్లకు రాత్రి 8 గంటల్లోపే విధులు

ఈనాడు, హైదరాబాద్‌: మహిళా కండక్టర్లు రాత్రి 8 గంటలకల్లా తమ డిపోలకు చేరేలా డ్యూటీలు వేయాలని ఆర్టీసీ ఎండీ వి.సి.సజ్జనార్‌ ఉత్తర్వులు జారీ చేశారు. ఈ ఉత్తర్వులను తక్షణం అమలు చేయాలని పేర్కొన్నారు. ఆర్టీసీలో సుదీర్ఘ సమ్మె ముగిసిన తరవాత 2019 డిసెంబరు ఒకటో తేదీన అన్ని స్థాయుల ఉద్యోగులతో ముఖ్యమంత్రి కేసీఆర్‌ నిర్వహించిన సమావేశంలో డ్యూటీ సమయాలు ఇబ్బందికరంగా ఉన్నాయంటూ పలువురు మహిళా కండక్టర్లు ఫిర్యాదు చేశారు. రాత్రి 8 గంటలకల్లా వారి విధులు ముగిసేలా చర్యలు తీసుకోవాలని అధికారులను సీఎం ఆదేశించారు. దీంతో డ్యూటీ సమయాలను మారుస్తూ సమావేశం జరిగిన మూడో రోజులకే(డిసెంబరు 4న) అధికారులు ఉత్తర్వులు జారీ చేశారు. కొద్దికాలం వాటిని అమలు చేసినా.. ఆ తరవాత రద్దు చేశారు. రాత్రి 8 గంటల తరవాత కూడా విధులు నిర్వహించాల్సి వస్తోందంటూ ఇటీవల పలువురు మహిళా కండక్టర్లు ఫిర్యాదు చేయటంతో ఎండీ సజ్జనార్‌  తాజాగా ఉత్తర్వులు జారీ చేశారు.

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని