GHMC: మొదటి 100 మందిపై దృష్టి పెట్టండి: జీహెచ్‌ఎంసీ కమిషనర్‌

హైదరాబాద్: నగరంలో ఆస్తి పన్ను వసూళ్లపై గ్రేటర్ హైదరాబాద్‌ మున్సిపల్‌ కార్పొరేషన్ (జీహెచ్‌ఎంసీ) ప్రత్యేక దృష్టి సారించింది. ఆస్తి పన్ను వసూళ్ల పురోగతిపై జోనల్ కమిషనర్లు, ఏఎంసీలతో సమీక్ష నిర్వహించిన కమిషనర్‌ రొనాల్డ్‌ రోస్‌.. ఆస్తి పన్ను వసూలు విషయంలో కీలక నిర్ణయం తీసుకున్నారు. పన్ను చెల్లించకుండా ఉన్న మొదటి 100 మందిపై దృష్టి సారించి మొండి బకాయిలను వసూలు చేయాలని అధికారులను ఆదేశించారు. ఫిబ్రవరి లోగా పన్ను వసూళ్లు పూర్తి చేయాలన్నారు. నిత్యం బిల్ కలెక్టర్లతో జోనల్ కమిషనర్లు సమీక్షించాలని కమిషనర్‌ ఆదేశించారు. ప్రస్తుతం ఉద్యోగులకు జీతాలు చెల్లించలేని పరిస్థితిలో జీహెచ్‌ఎంసీ ఉన్నందున.. పన్ను వసూళ్లను అధికారులు అత్యంత ప్రాధాన్యతగా తీసుకోవాలని కమిషనర్ ఆదేశించినట్లు తెలుస్తోంది.