Hyderabad: సచివాలయ ప్రాంగణంలో గుడి, చర్చి, మసీదును ప్రారంభించిన గవర్నర్‌, సీఎం

హైదరాబాద్: సచివాలయం ప్రాంగణంలో నూతనంగా నిర్మించిన నల్లపోచమ్మ ఆలయంతో పాటు మసీదు, చర్చిని గవర్నర్‌ తమిళిసై, సీఎం కేసీఆర్‌ ప్రారంభించారు. సచివాలయానికి నైరుతిలో అమ్మవారితో పాటు శివాలయం, ఆంజనేయస్వామి ఆలయాలను నిర్మించారు. ప్రారంభోత్సవ వేడుకల్లో భాగంగా ధ్వజస్తంభ ప్రతిష్ఠాపన, విగ్రహాలకు ప్రాణ ప్రతిష్ఠ కార్యక్రమం నిర్వహించారు. 

ఈ సందర్భంగా నిర్వహించిన మహా పూర్ణాహుతి, మహా మంగళహారతి కార్యక్రమాల్లో తమిళిసై, కేసీఆర్‌ పాల్గొన్నారు. అనంతరం చర్చి, మసీదును ప్రారంభించారు. చర్చిలో గవర్నర్‌, సీఎం కేక్‌ కట్‌ చేశారు. ఆ తర్వాత మసీదును ప్రారంభించి ప్రత్యేక ప్రార్థనలు నిర్వహించారు. ఈ కార్యక్రమంలో పలువురు మంత్రులు, ప్రజాప్రతినిధులు, ఉన్నతాధికారులు పాల్గొన్నారు.