Guntur: గుంటూరులో డయేరియా మరణాలు.. స్పందించిన జిల్లా న్యాయసేవాధికార సంస్థ

గుంటూరు: నగరంలో డయేరియా మరణాలపై జిల్లా గుంటూరు జిల్లా న్యాయసేవాధికార సంస్థ స్పందించింది. లీగల్‌ సర్వీస్‌ అథారిటీ కార్యదర్శి, సీనియర్‌ సివిల్‌ జడ్జి టి.లీలావతి జీజీహెచ్‌లో చికిత్స పొందుతున్న బాధితులను కలిసి వారితో మాట్లాడారు. అనంతరం వారికి అందుతున్న చికిత్స, అనారోగ్యానికి గల కారణాలను వైద్యులను అడిగి తెలుసుకున్నారు. గత పదిరోజులుగా గుంటూరు నగరంలోని పలు ప్రాంతాల ప్రజలు కలుషిత నీరు తాగి వాంతులు, విరేచనాలతో ఆస్పత్రుల్లో చేరుతున్నారు. ఇందులో నలుగురు డయేరియా అనుమానిత లక్షణాలతో మృతి చెందారు. దీంతో నగరపాలక సంస్థ సరఫరా చేసే నీటిని తాగడానికి ప్రజలు భయపడుతున్నారు.