AP High court: ఉత్తరాంధ్రలో సముద్ర కాలుష్యంపై హైకోర్టులో విచారణ

అమరావతి: ఉత్తరాంధ్రలో సముద్ర కాలుష్యంపై ఏపీ హైకోర్టులో విచారణ జరిగింది. సముద్రపు నీరు కలుషితమవుతుందని జనసేన నేత బొలిశెట్టి సత్యనారాయణ, డాక్టర్‌ రాజేంద్రసింగ్‌ పిటిషన్లు దాఖలు చేశారు. కోర్టు ఆదేశాల మేరకు ఏర్పాటైన కమిటీ ఇచ్చిన నివేదిక లోపభూయిష్టంగా ఉందని పిటిషనర్‌ తరఫు న్యాయవాది చల్లా అజయ్‌ కుమార్‌ వాదనలు వినిపించారు. మురుగునీరు సముద్రంలోకి వెళ్లకుండా జీవీఎంసీ ఆపలేకపోయిందని కమిటీ రిపోర్టులో ఉందని, మురునీటి వల్ల సముద్ర సంపదకు నష్టం వాటిల్లుతోం దని కోర్టు దృష్టికి తెచ్చారు. దీనిపై ప్రభుత్వ న్యాయవాది అదనపు అఫిడవిట్‌ దాఖలు చేయడంతో తదుపరి విచారణను ఉన్నత న్యాయస్థానం ఫిబ్రవరి 14కి వాయిదా వేసింది.