Published : 31 Oct 2021 01:50 IST

‘కన్యాదానం’ రిపీట్‌.. కోరుకున్న వాడికి భార్యనిచ్చి వివాహం చేసిన భర్త!

కాన్పుర్‌: కట్టుకున్న భార్య తనతో సంతోషంగా ఉండటం లేదని గుర్తించిన ఓ భర్త.. ఆమె ఆనందాన్నే కోరుకున్నాడు. తన సతీమణికి రెండో పెళ్లి జరిపించాడు. ‘నువ్వు ఎవరితో సంతోషంగా ఉంటావో.. వారితో కలిసి ఉంటేనే నాకూ ఆనందం’ అంటూ ప్రేమిస్తున్న యువకుడికే తన భార్యను ఇచ్చి వారిద్దరినీ ఒకటి చేశాడు. భార్య పెళ్లికి పెద్దగా మారాడు. ఈ ఘటన ఉత్తరప్రదేశ్‌లో చోటుచేసుకుంది.

కాన్పుర్​కు చెందిన కోమల్​, పంకజ్‌కు ఆరు నెలల క్రితం వివాహం జరిగింది. అయితే పెళ్లి అయినప్పటి నుంచి భర్తతో కోమల్‌ అయిష్టంగానే ఉంటోంది. దీంతో అసలు సమస్యేంటని భార్యను ఆరా తీశాడు పంకజ్. ‘నీ సంతోషం కోసం ఏదైనా చేస్తా’నని భార్యకు మాటిచ్చాడు. దీంతో ఆమె తన ప్రేమ విషయం విషయం బయటపెట్టింది. పింటు అనే వ్యక్తితో ప్రేమలో ఉన్నట్లు తెలిపింది. కుటుంబసభ్యులు తనకు బలవంతంగా ఈ వివాహం జరిపించారని వివరించింది. పింటుతో ఉంటేనే సుఖంగా ఉంటానని చెప్పింది. 

దంతా విన్న పంకజ్ ఆమెను కోపగించుకోలేదు. ప్రశాంతంగా ఆలోచించి సరేనన్నాడు. ‘నువ్వు సంతోషంగా ఉంటానంటే అదే నాకు ఆనందం’ అంటూ భార్య వివాహానికి ఏర్పాట్లు చేశాడు. ముందుగా ఇరు కుటుంబాలను పిలిచి మాట్లాడాడు. వారిని నచ్చజెప్పాడు. సంప్రదాయబద్ధంగా భార్యకు విడాకులు ఇచ్చాడు. ఆ తర్వాత పింటు, కోమల్​కు వివాహం జరిపించారు. ఈ వివాహం స్థానికంగా చర్చనీయాంశమైంది.

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని