AP News: రమ్య హత్య కేసు విచారణకు ఫాస్ట్ ట్రాక్‌ కోర్టు ఏర్పాటు: సుచరిత

గుంటూరు: గుంటూరులో ఇటీవల ప్రేమోన్మాది చేతిలో హత్యకు గురైన రమ్య కుటుంబాన్ని హోంమంత్రి సుచరిత పరామర్శించారు. రమ్య కుటుంబానికి ప్రభుత్వం తరఫున కేటాయించిన 5 సెంట్ల ఇంటి స్థలం పత్రాలను అందజేశారు. రమ్య సోదరికి త్వరలో ప్రభుత్వ ఉద్యోగం కల్పిస్తామని.. ఐదు ఎకరాల సాగు భూమిని కూడా అందిస్తామని హామీ ఇచ్చారు. కేసు సత్వర న్యాయ విచారణకు ఫాస్ట్ ట్రాక్ కోర్టు ఏర్పాటు చేస్తున్నట్లు ఆమె వివరించారు.
మేడికొండూరు మండలం పాలడుగు వద్ద జరిగిన సామూహిక అత్యాచార ఘటనపై పోలీసుల దర్యాప్తు కొనసాగుతోందని.. విచారణ దశలో పూర్తి వివరాలను వెల్లడించలేమని హోం మంత్రి చెప్పారు. పోలీసులకు కొన్ని ఆధారాలు దొరికాయని.. నిందితులను పట్టుకొని మీడియా ముందు ప్రవేశ పెడతామని ఆమె స్పష్టం చేశారు.