Tirumala Brahmotsavam: అశ్వ వాహనంపై కల్కి అవతారంలో శ్రీనివాసుడు

తిరుమల: కలియుగ వైకుంఠనాథుడు తిరుమల శ్రీ వేంకటేశ్వరస్వామి సాలకట్ల బ్రహ్మోత్సవాలు వైభవంగా జరుగుతున్నాయి. ఎనిమిదో రోజు రాత్రి మలయప్పస్వామి అశ్వ వాహనంపై విహరించారు. శ్రీవారు అశ్వాన్ని అధిరోహించి కల్కి అవతారంలో భక్తులను అనుగ్రహించారు. కలియుగాంతంలో శ్రీనివాసుడు అశ్వ వాహనంపై కల్కి అవతారంలో వచ్చి దుష్టశిక్షణ, శిష్టరక్షణ చేస్తాడని చెప్పడమే ఈ వాహన ఉద్దేశం. సుప్రీంకోర్టు ప్రధాన న్యాయమూర్తి జస్టిస్‌ ఎన్వీరమణ, తితిదే ఛైర్మన్‌ వై.వి.సుబ్బారెడ్డి, తితిదే ఈవో జవహర్‌రెడ్డి, అదనపు ఈవో ధర్మారెడ్డి, పాలక మండలి సభ్యులు పాల్గొన్నారు. కొవిడ్‌ నేపథ్యంలో ఆలయ కల్యాణ మండపంలోనే వాహనసేవ జరిగింది.