Venkaiah Naidu: కులాల కుమ్ములాటలో యువకులు దూరవద్దు: వెంకయ్యనాయుడు

గుంటూరు: ప్రాథమిక విద్య మాతృభాషలో జరగాలని మాజీ ఉపరాష్ట్రపతి వెంకయ్యనాయుడు అన్నారు. గుంటూరులో భాష్యం విద్యాసంస్థలు నిర్వహించిన విద్యార్థుల సన్మాన కార్యక్రమంలో ఆయన పాల్గొని మాట్లాడారు. యువతే ఈ రాష్ట్రానికి, దేశానికి భవిష్యత్తు అని చెప్పారు. అందరూ మాతృభాషలో మాట్లాడండి, మాతృభాష మర్చిపోవద్దని విద్యార్థులకు సూచించారు.

‘‘ఇష్టపడి, కష్టపడండి చదవండి. క్రమశిక్షణ చాలా ముఖ్యం. మీ భవిష్యత్తుకు అదే పునాది. ర్యాంకుల కోసం చదవకండి. విజ్ఞానం, వివేకం పెంచుకోవడానికి చదవండి. కులాల కుమ్ములాటలో యువకులు దూరవద్దు. కులం.. మతం.. ప్రాంతం పేరుతో గొడవలు మీకు, దేశానికి  మంచిది కాదు’’ అని విద్యార్థులను ఉద్దేశించి వెంకయ్యనాయుడు వ్యాఖ్యానించారు.