Thirumala: తిరుమలలో మరోసారి ఏనుగుల కలకలం

తిరుమల: తిరుమల భక్తులను ఏనుగులు మరోసారి ఆందోళనకు గురిచేశాయి. మొదటి ఘాట్ రోడ్డు సమీపంలోని ఎలిఫెంట్‌ ఆర్చ్‌ వద్ద అటవీ ప్రాంతంలో ఏనుగుల గుంపు కలకలం సృష్టించింది. ఒక్కసారిగా 7 ఏనుగులు ఘాట్‌రోడ్డు సమీపంలోకి రావడంతో భక్తులు భయాందోళనకు గురయ్యారు. సమాచారం తెలుసుకున్న తితిదే అటవీ అధికారులు ఘటనా స్థలానికి చేరుకొని ఏనుగుల గుంపును అటవీ ప్రాంతంలోకి పంపించారు. గత కొంత కాలంగా ఈ ప్రాంతంలో ఏనుగుల సంచారం పెరగడంపై భక్తులు ఆందోళన వ్యక్తం చేస్తున్నారు. ఇదే ప్రాంతంలో ఏనుగుల గుంపు ఘాట్‌ రోడ్డు సమీపంలోకి రావడం వారంలో ఇది రెండోసారి.