కోల్‌కతాలో కొనసాగనున్న నిషేధం

కోల్‌కతా: కరోనా వైరస్ ఉద్ధృతిని దృష్టిలో ఉంచుకొని పలు నగరాల నుంచి కోల్‌కతాకు విమానాల రాకపోకలపై బెంగాల్‌ ప్రభుత్వం నిషేధాన్ని కొనసాగించింది. కోల్‌కతాకు దిల్లీ, ముంబయి, చెన్నై, పుణె, నాగ్‌పుర్‌, అహ్మదాబాద్‌ నగరాలనుంచి విమానాల రాకపోకలపై నిషేధం ఈనెల 31 వరకు ఉంటుందని వెల్లడించింది. మొదట జులై 6 నుంచి 19వ తేదీ వరకు నిషేధాన్ని విధించిన ప్రభుత్వం దాన్ని గతంలో పొడిగించింది.  తాజాగా ఈనెల 31 వరకు నిషేధం కొనసాగనున్నట్లు రాష్ట్ర హోంశాఖ ఓ ప్రకటనలో వెల్లడించింది. కేంద్ర ఆరోగ్య శాఖ వివరాల ప్రకారం.. పశ్చిమ బెంగాల్‌లో ఇప్పటివరకు 98,459 కరోనా కేసులు నమోదవగా 2,100 మంది మృతిచెందారు.