Indonesia: ఇండోనేసియాలో భారీ భూకంపం.. సునామీ హెచ్చరికలు జారీ చేసిన ప్రభుత్వం

జకార్తా: ఇండోనేసియాలో భారీ భూకంపం సంభవించింది. మౌమెరి పట్టణానికి ఉత్తరాన 112 కిలోమీటర్ల దూరంలో భూకంప కేంద్రాన్ని గుర్తించినట్లు అధికారులు తెలిపారు. రిక్టర్ స్కేల్‌పై భూకంప తీవ్రత 7.3గా నమోదైందని అమెరికా జియోలాజికల్ సర్వే తెలిపింది. ఫ్లోరెస్ ద్వీపంలో.. సముద్రగర్భంలో 18.5 కిలోమీటర్ల లోతులో భూకంపం సంభవించినట్లు వెల్లడించింది. భూకంపం తీవ్రత కారణంగా ఇండోనేసియా.. సునామీ హెచ్చరికలు జారీ చేసింది. అయితే ఇప్పటి వరకు కలిగిన నష్టంపై ఇంకా పూర్తి సమాచారం అందలేదని ఇండోనేసియా విపత్తు నివారణ సంస్థ ప్రతినిధి అబ్దుల్ ముహారి తెలిపారు. సునామీ హెచ్చరికలు జారీ కావడంతో ప్రజలు ఇళ్ల నుంచి బయటకు వచ్చి.. సముద్రానికి దూరంగా పారిపోతున్న దృశ్యాలు సామాజిక మాధ్యమాల్లో వైరల్‌గా మారాయి.

► Read latest National - International News and Telugu News