Updated : 27/02/2020 10:49 IST

మలాలాను కలిసిన గ్రెటా థన్‌బర్గ్‌..!

లండన్‌: ఒకరు బాలికల విద్యకోసం పోరాడితే.. మరొకరు పర్యావరణ పరిరక్షణ కోసం కృషి చేస్తూ ప్రపంచ దృష్టిని ఆకర్షించారు. తాజాగా ఈ ఇద్దరూ ఒకే చోట కలిశారు. పర్యావరణ పరిరక్షణ కోసం పోరాడుతున్న గ్రెటా థన్‌బర్గ్‌.. ఆక్స్‌ఫర్డ్‌ యూనివర్సిటీలో చదువుతున్న మలాలాను స్వయంగా వెళ్లి కలిశారు. తమ పోరాట అనుభవాలతో పాటు ప్రపంచం ఎదుర్కొంటున్న వివిధ సవాళ్లపై వీరిద్దరు ముచ్చటించారు. ఈ సందర్భంగా వీరు కలిసిన పొటోను జతచేసిన మలాలా ‘థాంక్యూ గ్రెటా థన్‌బర్గ్‌’ అంటూ ఇన్‌స్టాగ్రాంలో పోస్టు చేశారు.

స్వీడన్‌కు చెందిన గ్రెటా థన్‌బర్గ్‌ లండన్‌లోని ఓ పాఠశాలలో జరుగుతున్న నిరసన కార్యక్రమంలో పాల్గొనేందుకు వచ్చారు. ఈ సందర్భంగా ఆక్స్‌ఫర్డ్‌ యూనివర్సిటీలో చదువుతున్న మలాలాను కలిశారు. తనకు ఆదర్శంగా నిలిచిన వ్యక్తిని కలవడం ఎంతో సంతోషంగా ఉందని పేర్కొన్నారు. బాలికల విద్యకోసం చేసిన పోరాటంలో తాలిబన్ల చేతిలో కాల్పులకు గురైన మలాలాకు 2014లో నోబెల్‌ శాంతి బహుమతి వచ్చిన విషయం తెలిసిందే. పర్యావరణ పరిరక్షణ కోసం పోరాడుతున్న గ్రెటా థన్‌బర్గ్‌ కూడా 2019 సంవత్సరానికి నోబెల్‌ బహుమతికి నామినేట్‌ అయ్యారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని