సామూహిక వివాహాల్లో కు.ని.కిట్ల పంపిణీతో రభస

మధ్యప్రదేశ్‌ రాష్ట్ర ప్రభుత్వం చేపట్టిన ‘ముఖ్యమంత్రి కన్యా వివాహ్‌ కార్యక్రమ్‌’లో భాగంగా ఝాబువా జిల్లా థాందలా పట్టణంలో సోమవారం 292 జంటలకు పెళ్లిళ్లు జరిగాయి. ఈ సందర్భంగా వధువులకు అందజేసిన అలంకరణ సామగ్రితోపాటు కుటుంబ నియంత్రణ మాత్రలు, కండోమ్‌లు ఇవ్వడం గొడవకు దారి తీసింది. సామూహిక వివాహాలంటూ ఇదేమిటని కు.ని. సామగ్రి పంపిణీపై స్థానికులు తీవ్ర అభ్యంతరం వ్యక్తం చేశారు. ఝాబువా జిల్లా సీఎంహెచ్‌వో డాక్టర్‌ జె.పిఎస్‌.ఠాకుర్‌ వధూవరుల కుటుంబాలకు సర్దిచెప్పారు. ‘‘ప్రభుత్వ కుటుంబ నియంత్రణ కార్యక్రమంలో భాగంగా వాటిని పంపిణీ చేశాం. ఇందులో తప్పేమీ లేదు. జనాభా నియంత్రణపై చైతన్యం కల్పించడం మా బాధ్యత’’ అని ఆయన వివరించారు. మరోచోట.. డిండౌరీ జిల్లాలో జరిగిన ప్రభుత్వ సామూహిక వివాహాల్లో వధువులను గర్భ పరీక్షలు చేయించుకోవాలని కొందరు కోరడం వివాదానికి దారి తీసింది.