బాల్యంలో శారీరక శ్రమ లోపిస్తే గుండెకు ముప్పు

తేలికపాటి శ్రమతో ఊరట

దిల్లీ: చిన్నతనంలో శారీరక శ్రమలోపిస్తే గుండె పరిమాణం పెరిగే ప్రమాదం ఉందని తాజా అధ్యయనం పేర్కొంది. కదలికలు లేని సమయం పెరిగేకొద్దీ ఈ సమస్య కూడా పెరుగుతుందని తేల్చింది. గుండె పరిమాణం పెరగడాన్ని లెఫ్ట్‌ వెంట్రిక్యులర్‌ హైపెట్రోఫీగా పేర్కొంటారు. దీనివల్ల గుండెపోటు, పక్షవాతం, అకాల మరణాల ముప్పు పెరుగుతుంది. రోజుకు మూడు నుంచి నాలుగు గంటల పాటు తేలికపాటి శారీరక శ్రమ చేయడం ద్వారా.. పెరిగిన గుండె పరిమాణాన్ని తగ్గించుకోవచ్చని తాజా అధ్యయనం పేర్కొంది. ఇలాంటి చర్యలు పెరిగితే గుండె పనితీరు మెరుగుపడుతుందని తెలిపింది. చిన్నారులు, కౌమార ప్రాయంలో ఉన్న 1700 మంది పరీక్షార్థులను 13 ఏళ్ల పాటు పరిశీలించిన శాస్త్రవేత్తలు ఈ మేరకు తేల్చారు. శారీరక శ్రమ పెద్దగాలేని జీవనశైలి.. గుండె పరిమాణంలో పెరుగుదలకు 40 మేర కారణమైనట్లు గుర్తించారు.  శారీరక చురుకుదనం లోపించిన అందరిలో ఈ ఇబ్బంది ఉన్నట్లు పేర్కొన్నారు. తేలికపాటి శారీరక శ్రమ వల్ల గుండె పరిమాణంలో పెరుగుదల సగం మేర తగ్గినట్లు గుర్తించారు.