Updated : 11/08/2021 10:41 IST

Bombay High Court: వివాహితకు ప్రేమలేఖ.. ముమ్మాటికీ తప్పే

బాంబే హైకోర్టు తీర్పు

నాగ్‌పుర్‌: ‘ఓ మహిళకు సచ్ఛీలతే విలువైన ఆభరణం. ప్రేమ పేరుతో వివాహితకు లేఖ పంపడమంటే ఆమెను అవమానించినట్లే’ అని బాంబే హైకోర్టు తేల్చి చెప్పింది. ఇలా చేయడం ఆమె నిబద్ధతను శంకించడమేనని స్పష్టం చేసింది. ఓ కేసు విచారణ సందర్భంగా హైకోర్టులోని నాగ్‌పుర్‌ ధర్మాసనం ఈ మేరకు తీర్పు వెలువరించింది. వివాహితకు ప్రేమలేఖ పంపిన వ్యక్తికి రూ.90 వేల జరిమానా విధించి.. అందులో రూ.85 వేలు బాధితురాలికి పరిహారంగా చెల్లించాలని ఆదేశించింది. విషయం పూర్వాపరాల్లోకి వెళితే.. 2011లో ఓ కిరాణం షాపు యజమాని అక్కడ పనిచేసే వివాహితకు ప్రేమలేఖ ఇచ్చేందుకు ప్రయత్నించాడు. ఆమె తిరస్కరించడంతో ‘ఐ లవ్‌ యూ’ అంటూ ఆ చిట్టీని ఆమెపై విసిరి వెళ్లాడు. ఆ మర్నాడు మళ్లీ పిచ్చిచేష్టలతో ఆమెను విసిగించి, ఎవరికీ చెప్పొద్దని బెదిరించాడు. దీంతో బాధితురాలు అకోలాలోని సివిల్‌లైన్‌ పోలీస్‌స్టేషనులో ఫిర్యాదు చేసింది. దర్యాప్తు అనంతరం నిందితుడిపై పోలీసులు కేసు నమోదు చేశారు. 2018 జూన్‌ 21న సెషన్స్‌ కోర్టు నిందితుడికి రెండేళ్ల కఠిన కారాగార శిక్ష, రూ.40 వేల జరిమానా విధించింది. ఈ తీర్పును సవాలు చేస్తూ అతడు హైకోర్టును ఆశ్రయించాడు. మహిళ తనపై తప్పుడు ఫిర్యాదు చేసిందని, తన షాపులో సరకులు తీసుకొని డబ్బులు చెల్లించలేదని చెప్పాడు. ఆ డబ్బు అడిగినందుకే ఇలా అభియోగాలు మోపిందని ఆరోపించాడు. వాదనలు విన్న ధర్మాసనం వాటిని తోసిపుచ్చింది. ఆధారాలు పక్కాగా ఉన్నాయని సెషన్స్‌ కోర్టు ఇచ్చిన తీర్పును సమర్థించింది. నిందితుడు అప్పటికే 45 రోజులు జైలుశిక్ష అనుభవించినందున శిక్షను ఏడాదికి తగ్గించి.. జరిమానాను రూ.90వేలకు పెంచింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని