Published : 10 Nov 2021 16:07 IST

Afghan Crisis: అఫ్గాన్‌ పరిణామాలతో అన్ని దేశాలకూ చిక్కులే..!

ప్రాంతీయ దేశాల సమావేశంలో ఎన్‌ఎస్‌ఏ అజిత్‌ డోభాల్‌

దిల్లీ: తాలిబన్ల ఆక్రమణ తర్వాత అఫ్గానిస్థాన్‌లో చోటుచేసుకుంటున్న తాజా పరిణామాలు కేవలం ఆ దేశానికే కాకుండా సరిహద్దు దేశాలకూ చిక్కులు కలిగించేవేనని భారత్‌ ఆందోళన వ్యక్తం చేసింది. ఈ నేపథ్యంలో ఆఫ్గాన్‌ పరిస్థితులపై ప్రాంతీయ దేశాలు పరస్పర సహకారం, సమన్వయం, సంప్రదింపులతో ముందుకెళ్లాలని అభిప్రాయపడింది. అఫ్గాన్‌ సంక్షోభంపై దిల్లీలో జరుగుతోన్న ఎనిమిది దేశాల సమావేశంలో భారత్‌ ఈ విధంగా స్పందించింది.

‘అఫ్గానిస్థాన్‌ పరిణామాలపై చర్చించేందుకు సమావేశమయ్యాం. ప్రస్తుతం అక్కడ నెలకొంటున్న పరిస్థితులను అన్ని దేశాలు క్షుణ్ణంగా పరిశీలిస్తున్నాయి. తాజా పరిణామాలు కేవలం అఫ్గానిస్థాన్‌ ప్రజలకే కాకుండా ఈ ప్రాంతంలోని సరిహద్దు దేశాలపై ప్రతికూల ప్రభావాలు చూపించే అవకాశం ఉంది. ఈ నేపథ్యంలో అన్ని దేశాలు పూర్తి సమన్వయంతో సహకరించుకుంటూ ముందుకెళ్లాల్సిన సమయం ఇది’ అని భారత జాతీయ భద్రతా సలహాదారు అజిత్‌ డోభాల్‌ పేర్కొన్నారు. భారత్‌ అధ్యక్షతన జరుగుతోన్న ఈ సమావేశం లోప్రారంభోపన్యాసం చేసిన ఆయన.. అఫ్గాన్‌ పరిణామాలపై పొరుగు దేశాలు ప్రత్యేక వ్యూహంతో ముందుకెళ్లాల్సిన అవసరాన్ని నొక్కిచెప్పారు.

అఫ్గాన్‌లో ఉగ్రవాదం, ఆ ఉగ్ర కార్యకలాపాల వల్ల ఇతర దేశాలపై పడే ప్రభావంపై చర్చించేందుకు 8 ప్రాంతీయ దేశాలతో భారత్‌ ప్రత్యేక సమావేశం ఏర్పాటు చేసింది. ముఖ్యంగా తాలిబన్లు ఆక్రమించుకున్న తర్వాత అఫ్గాన్‌ వేదికగా ఉగ్రవాద ముప్పు, డ్రగ్స్‌ రవాణా వంటి వాటిని అరికట్టేందుకు అనుసరించాల్సిన వ్యూహాలను ఇందులో చర్చించనున్నారు. ఈ సమావేశానికి మధ్య ఆసియాలోని కజఖ్‌స్థాన్‌, కిర్గిజ్‌స్థాన్‌, తజికిస్థాన్‌, తుర్క్‌మెనిస్థాన్‌, ఉజ్బెకిస్థాన్‌ సహా రష్యా, ఇరాన్‌ల జాతీయ భద్రత సలహాదారులు హాజరయ్యారు. అయితే, ఈ భేటీకి చైనా, పాకిస్థాన్‌లను భారత్ ఆహ్వానించినప్పటికీ.. ఆ రెండు దేశాలు పలు కారణాలు చెబుతూ డుమ్మా కొట్టాయి.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని