Published : 04/12/2021 13:21 IST

Omicron Scare: టీకా తీసుకోలేదా.. హోటల్స్‌, మాల్స్‌లోకి నో ఎంట్రీ..!

వచ్చేవారం నుంచి తమిళనాడు నగరంలో అమల్లోకి ఆంక్షలు

చెన్నై: దేశంలో కొత్త వేరియంట్ ఒమిక్రాన్ కేసులు వెలుగుచూసిన నేపథ్యంలో తమిళనాడులోని మదురై నగరం ఆంక్షల కొరడా ఝులిపించింది. టీకా తీసుకోని వారు వచ్చేవారం నుంచి బహిరంగ ప్రదేశాల్లో ప్రవేశించకుండా శనివారం నిబంధనలు జారీచేసింది. మాల్స్, మార్కెట్లు, షాపింగ్ కాంప్లెక్సులతో సహా 18 ప్రదేశాలకు అనుమతి నిరాకరించింది. ఈ నిబంధనలు అమల్లోకి వచ్చేలోపు ప్రజలు కనీసం ఒక్కడోసు టీకా అయినా వేయించుకోవాలని జిల్లా యంత్రాంగం సూచించింది.

‘ప్రజలు కనీసం ఒక్కడోసు టీకా అయినా వేయించుకునేందుకు ఒక వారం సమయం ఇచ్చాం. ఆ గడువులోగా టీకా తీసుకోని వ్యక్తులు మాల్స్‌, షాపింగ్ కాంప్లెక్సులు, ఇతర వాణిజ్య సముదాయాల్లోకి ప్రవేశించేందుకు అనుమతి ఉండదు’ అని మదురై కలెక్టర్ అనీశ్ శేఖర్ మీడియాకు వెల్లడించారు. జిల్లాలో సుమారు 3 లక్షల మంది కనీసం ఒక్కడోసు టీకా కూడా తీసుకోలేదని తెలిపారు. తమ దగ్గర 71.6 శాతం మందికి మొదటి డోసు.. 32.8 శాతం మందికి రెండో డోసు అందిందన్నారు. ఇప్పటికే కొత్త వేరియంట్ ఒమిక్రాన్  వెలుగుచూసిన కర్ణాటక కూడా శుక్రవారం ఈ తరహా ఆంక్షలే తీసుకువచ్చింది. మాల్స్, సినిమా హాల్స్, బహిరంగ ప్రదేశాల్లోకి ప్రవేశించడానికి రెండు డోసుల టీకాను ఆ రాష్ట్రం తప్పనిసరి చేసింది.

కాగా, సింగపూర్‌, యూకే నుంచి తమిళనాడుకు వచ్చిన ముగ్గురు ప్రయాణికులకు కరోనా పాజిటివ్‌గా తేలింది. వారిలో ఒక చిన్నారి కూడా ఉంది. ప్రస్తుతం వారి నమూనాలను జీనోమ్‌ సీక్వెన్సింగ్‌కు పంపినట్లు సంబంధిత అధికారులు వెల్లడించారు. తమిళనాడులో తాజాగా 711 కొత్త కేసులు, 9 మరణాలు సంభవించాయి.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని