Saindhav: వెంకటేశ్‌ ‘సైంధవ్‌’లో మరో హీరో.. ఎవరంటే?

ఇంటర్నెట్‌ డెస్క్‌: వెంకటేశ్‌ (Venkatesh) హీరోగా దర్శకుడు శైలేష్‌ కొలను తెరకెక్కిస్తున్న చిత్రం ‘సైంధవ్‌’ (Saindhav). ఈ సినిమాలో బాలీవుడ్‌ ప్రముఖ నటుడు నవాజుద్దీన్‌ సిద్దిఖీ (Nawazuddin Siddiqui) కీలక పాత్ర పోషిస్తున్న సంగతి తెలిసిందే. మరో హీరో ఈ ప్రాజెక్టులో భాగమైనట్లు నిర్మాణ సంస్థ నిహారిక ఎంటర్‌టైన్‌మెంట్‌ (niharika entertainment) సోషల్‌ మీడియా వేదికగా ప్రకటించింది. ఈ మేరకు ఫస్ట్‌లుక్‌ విడుదల చేసింది. ఆ నటుడు ఎవరో కాదు.. ఆర్య (Arya). ఈ సినిమాలో ఆయన మానస్‌ అనే పాత్ర పోషిస్తున్నారు. పొడవాటి జుట్టుతో ఓ తుపాకీ చేతపట్టి ఆర్య నడుస్తూ కనిపించేలా తీర్చిదిద్దిన లుక్‌ అందరినీ ఆకట్టుకునేలా ఉంది.

పొగరుతో విరాళాలు వద్దనలేదు.. కారణమిదే: రాఘవా లారెన్స్‌

ఇది వెంకటేశ్‌ 75వ చిత్రం కావడంతో ప్రతిష్ఠాత్మకంగా తెరకెక్కిస్తున్నారు. ఆయన కెరీర్‌లో అత్యంత భారీ బడ్జెట్‌తో రూపొందుతోంది. ఈ యాక్షన్‌, ఫ్యామిలీ ఎంటర్‌టైనర్‌లో వెంకటేశ్‌ చాలా కొత్తగా కనిపించనున్నారు. ఈ పాన్‌ ఇండియా చిత్రంలో హీరోయిన్లు రుహానీ శర్మ, శ్రద్ధా శ్రీనాథ్‌, ఆండ్రియా జెర్మియా కీలక పాత్రలు పోషిస్తున్నారు. చిత్రీకరణ దశలో ఉన్న ఈ సినిమా డిసెంబరు 22న ప్రేక్షకుల ముందుకు రానుంది. తమిళంలో ఎక్కువగా చిత్రాలు చేసే ఆర్య తెలుగు ప్రేక్షకులకు పరిచయమే. అల్లు అర్జున్‌ హీరోగా తెరకెక్కిన ‘వరుడు’తో ఆయన టాలీవుడ్‌లోకి ఎంట్రీ ఇచ్చారు. అందులో ఆర్య ప్రతి నాయక పాత్ర పోషించి మెప్పించారు. ఆ తర్వాత, ‘రాజా రాణి’, ‘సార్‌పట్ట’, ‘ఎనిమీ’, ‘కెప్టెన్‌’వంటి డబ్బింగ్‌ సినిమాలతో అలరించారు.