Asvins on ott: ఓటీటీలో అశ్విన్స్‌.. స్ట్రీమింగ్‌ ఎప్పుడంటే?

హైదరాబాద్‌: వసంత్‌ రవి కథానాయకుడిగా తెరకెక్కిన చిత్రం ‘అశ్విన్స్‌’ (Asvins). విమలా రామన్‌ ముఖ్యపాత్ర పోషించారు. తరుణ్‌ తేజ దర్శకుడు. బి.వి.ఎస్‌.ఎన్‌.ప్రసాద్‌ నిర్మాత. హారర్‌ థ్రిల్లర్‌గా రూపొందిన ఈ చిత్రం ఇటీవల ప్రేక్షకుల ముందుకు వచ్చిన సంగతి తెలిసిందే.  హారర్‌ జోనర్‌లో ప్రేక్షకులకు ఓ కొత్త అనుభూతిని పంచేలా సినిమాను తీర్చిదిద్దారు. అలాగే, ఇప్పటి తరానికి అవసరమైన సందేశాన్ని మేళవించి, ‘అశ్విన్స్‌’ను తెరకెక్కించారు. ఇప్పుడు ఈ సినిమా ఓటీటీ వేదికగా స్ట్రీమింగ్‌ అయ్యేందుకు సిద్ధమైంది. ప్రముఖ ఓటీటీ వేదికగా నెట్‌ఫ్లిక్స్‌లో జులై 20వ తేదీ నుంచి స్ట్రీమింగ్‌ కానుంది. ఈ విషయాన్ని తెలియజేస్తూ నెట్‌ఫ్లిక్స్‌ పోస్టర్‌ను పంచుకుంది.

‘గుంటూరు కారం’ బిగ్‌ అప్‌డేట్‌ లీక్ చేసిన హీరోయిన్‌

కథేంటంటే: అర్జున్‌ (వసంత్‌ రవి), రీతు, రాహుల్‌, గ్రేస్‌, వరుణ్‌.. ఐదుగురు యూట్యూబర్స్‌. ఓ యూట్యూబ్‌ ఛానెల్‌ కోసం డార్క్‌ టూరిజం మీద ఓ ఎపిసోడ్‌ను చేయాలని ఇంగ్లాండ్‌లోని ఓ దీవిలో ఉన్న ఇంటికి వెళ్తారు. అక్కడ ప్రముఖ ఆర్కియాలజిస్ట్‌ ఆర్తి రాజగోపాల్‌ (విమలా రామన్‌) ఆత్మ తిరుగుతుందని, గతంలో అక్కడి వెళ్లిన 15 మందిని ఆమే చంపేసిందనే వార్త ప్రచారంలో ఉంటుంది. ఈ విషయం తెలుసుకున్న అర్జున్‌ టీమ్‌.. ఆ భవంతిలో సంచరించే ఆత్మలను, అరుపులను తమ కెమెరాలో బంధించాలని ప్రయత్నిస్తారు. మరి అలా వెళ్లిన ఐదుగురికి భవంతిలో కలిగిన వింత అనుభవాలు ఏంటి? ఆర్కియాలజిస్ట్‌ ఆర్తి రాజగోపాల్‌ ఎలా చనిపోయింది? ఓ రైతుకు అశ్వినీ దేవతలు ఇచ్చిన వరం ఏంటి? తెలియాలంటే సినిమా చూడాల్సిందే!