Dear: ఓటీటీలోకి ‘డియర్‌’.. స్ట్రీమింగ్‌ ఎప్పుడంటే?

ఇంటర్నెట్‌ డెస్క్‌: కోలీవుడ్‌ సంగీత దర్శకుడు జి.వి. ప్రకాశ్‌ (gv prakash kumar) నటుడిగాను అలరిస్తుంటారన్న సంగతి తెలిసిందే. ఆయన, హీరోయిన్‌ ఐశ్వర్య రాజేశ్‌ (Aishwarya Rajesh) జంటగా నటించిన చిత్రం ‘డియర్‌’ (Dear). ఈనెల 11న తమిళంలో, 12న తెలుగులో థియేటర్లలో విడుదలైంది. ఇప్పుడు ఓటీటీ వేదికగా మరోసారి ప్రేక్షకుల ముందుకురానుంది. ఈనెల 28 నుంచి ఓటీటీ ‘నెట్‌ఫ్లిక్స్’ (Netflix)లో స్ట్రీమింగ్‌ కానుంది.

ఈ సినిమా క‌థేంటంటే: ప్రముఖ టెలివిజ‌న్ ఛాన‌ల్‌లో న్యూస్‌రీడ‌ర్‌గా ఉద్యోగం సంపాదించి, ప్రముఖులను ఇంట‌ర్వ్యూ చేయాల‌న్నది అర్జున్ (జి.వి.ప్రకాశ్‌) క‌ల‌. చిన్నపాటి శ‌బ్దాలకు కూడా నిద్ర నుంచి లేచిపోయే స‌మ‌స్యతో బాధ‌ ప‌డుతుంటాడు. మ‌రోవైపు, అర్జున్‌కి పూర్తి భిన్నంగా నిద్రలో గుర‌కపెట్టే స‌మ‌స్యతో బాధ‌ ప‌డుతుంటుంది దీపిక (ఐశ్వర్య రాజేశ్). ఈ ఇద్దరూ ఒక‌రి స‌మ‌స్య మ‌రొక‌రికి తెలియ‌కుండా పెళ్లి చేసుకుంటారు. ఆ స‌మస్యలు వీరి కాపురంలో ఎలాంటి చిచ్చుకు కార‌ణ‌మ‌య్యాయి? వీరి బంధం నిల‌బ‌డిందా? అన్నది మిగతా కథ.

పూర్తి రివ్యూ కోసం క్లిక్‌ చేయండి..