Bigg Boss 7 Telugu: శివాజీ ప్రోత్సహించారు..: ప్రశాంత్; ఆయనకు అంత హైప్ అక్కర్లేదు: అమర్
బిగ్బాస్ సీజన్-7 ముగిసింది. ‘రైతుబిడ్డ’గా ఎంట్రీ ఇచ్చిన పల్లవి ప్రశాంత్ బిగ్బాస్ టైటిల్ను గెలుచుకున్నాడు. సీరియల్ నటుడు అమర్ దీప్ రన్నరప్గా నిలిచాడు. ఈ క్రమంలో 105 రోజుల పాటు హౌస్లో జరిగిన ఆసక్తికర విషయాలను తాజా ఇంటర్వ్యూలో పంచుకున్నారు.
‘‘నేను ట్రోఫీ గెలిచానన్న విషయం ఇప్పటికీ నమ్మకలేకపోతున్నా. అయితే ,ఒక్క విషయం చెప్పాలి. కామన్మ్యాన్గా ఎంట్రీ ఇచ్చిన నేను హౌస్లో ఎవరేమనుకున్నా నా ఆట నేను ఆడాలనుకున్నా. నా ప్రయాణం కొంతమందికైనా స్ఫూర్తిగా నిలవాలనుకున్నా. నన్ను ప్రోత్సహించిన తెలుగు ప్రేక్షకులకు, ముఖ్యంగా రైతు బిడ్డలకు ధన్యవాదాలు. హైదరాబాద్ అంటే నాకు కూకట్పల్లి మార్కెట్ ఒక్కటే తెలుసు. మా పొలంలో పండించినవి అక్కడ అమ్ముతాం. జేబీఎస్ బస్టాండ్ తప్ప వేరే ఏమీ తెలియదు. ఎలాగైనా బిగ్బాస్లో అవకాశం దక్కించుకోవాలనుకుని, రూ.500 తీసుకుని హైదరాబాద్లో అడుగు పెట్టా. ఈ ప్రయాణంలో ఎన్నో ఇబ్బందులు పడ్డా. అయినా నా తండ్రి నన్ను వెన్ను తట్టి ప్రోత్సహించాడు’’
ఆ మాటలకు నాలో కసి పెరిగింది!
‘‘కొన్ని నెలల కిందట ఒకాయన మా ఇంటికి వచ్చి ‘మీ అబ్బాయి ఏం చేస్తున్నాడు’ అని మా బాపుని అడిగాడు. ‘మా ప్రశాంత్ బావి దగ్గర పనిచేస్తాడు’ అని చెప్పడంతో అప్పుడు ఆయన అన్న మాటలు బాధించాయి. వ్యవసాయం చేసుకుంటే అంత చీప్గా చూడాల్సిన అవసరం లేదు. బావి దగ్గర పనిచేసే వాళ్లు సైతం ఏదైనా సాధిస్తారని చెప్పాలనుకున్నా. సెలబ్రిటీలే కాదు, సామాన్యుడు కూడా బిగ్బాస్కు ఎందుకు వెళ్లకూడదని వీడియోలు చేయడం మొదలు పెట్టా. తొలినాళ్లలో అవి చూసి, ‘ఇవేం వీడియోలు’, ‘పిచ్చోడిలా ఉన్నారే’ అని అని కూడా అన్నారు’’
అప్పుడు రతికకు ఎవిక్షన్ ఫ్రీ పాస్ ఇచ్చేవాడిని
‘‘రెండో వారంలో అందరూ నన్నే నామినేట్ చేశారు. షకీలమ్మ నన్ను నామినేట్ చేస్తానని ముందే చెప్పారు. నేనూ సరేనన్నా. ఆ తర్వాత ఒకరి తర్వాత ఒకరు నన్ను నామినేట్ చేస్తుండటంతో నా మైండ్ బ్లాంక్ అయిపోయింది. స్నేహితురాలు అనుకున్న రతిక కూడా నన్ను నామినేట్ చేయడంతో బాధపడ్డా. ఒకసారి నాగార్జున సర్.. రతికతో ‘నీ ఆటకు అడ్డంకి ఎవరు’ అని అడిగితే, నా పేరు చెప్పింది. అప్పటి నుంచి ఆమెకు దూరంగా ఉన్నా. మన ఇంటి మనిషి అనుకుని ఆమెతో చనువుగా ఉన్నా. నామినేషన్స్ సందర్భంగా మా మధ్య వాగ్వాదం జరిగింది. హౌస్లోకి వెళ్లినప్పుడు నాతో ఎంత ఫ్రెండ్లీగా ఉందో నాకు తెలుసు. అలా ఉండి ఉంటే, ఎవిక్షన్ ఫ్రీ పాస్ ఇచ్చేవాడిని. ఒకవేళ అమర్, ప్రియాంక, శోభ ఎలిమినేషన్లో ఉంటే, ఎవిక్షన్ ఫ్రీ పాస్ అమర్కు ఇచ్చేవాడిని. మొదట్లో నామినేషన్స్ సందర్భంగా మా మధ్య మాటల యుద్ధం జరిగినా, ఆ తర్వాత నన్ను బాగా అర్థం చేసుకున్నాడు’’
శివన్న మాటలే నాకు స్ఫూర్తినిచ్చాయి!
‘‘ఇంటి దగ్గర నాకు నాన్న ఎలాగో హౌస్లో శివన్న అలా దగ్గరుండి నడిపించారు. నేను ఎక్కడ ఓడిపోతానో అని ఆయన కష్టపడి ఆడేవారు. నా కోసం చేయి కూడా విరగొట్టుకున్నాడు. లెటర్ వచ్చినప్పుడు కూడా తన లెటర్ను పక్కన పెట్టాడు. ‘సామాన్యుడిగా వచ్చావు. నువ్వు గెలవాలి. ఎంతోమంది ఆదర్శమవ్వాలి’ అనేవాడు. శివన్న లెటర్ త్యాగం నేను ఆటపై మరింత దృష్టి పెట్టేలా చేసింది. టాస్క్లో గెలిచిన ప్రతిసారి ‘కామన్మెన్ పవర్ చూపించావు’ అని అన్న అంటుంటే నాకు ఎంతో స్ఫూర్తిగా ఉండేది. అయితే, ఆట ఆడే సమయంలో తన ఆట తనది. నా ఆట నాది. నాకు వచ్చిన రూ.35లక్షలు నిరుపేద రైతులకు ఇస్తా. షోలో గెలుచుకున్న కారు బాపునకు ఇస్తా. అమ్మకు నెక్లెస్ ఇస్తా. నేను గెలుచుకున్న డబ్బును ఎలా పంచుతానో అన్ని విషయాలు మీకు చెబుతా. నేను బిగ్బాస్కు వచ్చిందే ప్రజల కోసం. నాకు అవకాశం ఇచ్చిన బిగ్బాస్ టీమ్కు, నాగార్జున సర్కి ధన్యవాదాలు’’
శివాజీ ఎవరిని ఎక్కడ తొక్కాలో అక్కడ తొక్కేశారు: అమర్ దీప్
‘‘హౌస్లో 105 రోజులు ఉంటానని అస్సలు ఊహించలేదు. ఐదు వారాల తర్వాత నా పెర్ఫామెన్స్ చూసి, వెళ్లిపోతాననుకున్నా. ఆ తర్వాత నన్ను నేను నమ్ముకున్నా. అప్పటివరకూ నాకు రానిది హౌస్లో ప్రయత్నించానని అర్థమైంది. మంచి వ్యక్తిగా ఉంటే జనాలు ఓట్లు వేస్తారని అనుకున్నా. కానీ, ఆ తర్వాత నా వెర్షన్ మార్చుకున్నా. రన్నర్గా నిలిచినందుకు నేనేమీ బాధపడలేదు. ఒక రకంగా నేనూ గెలిచినట్టే. రవితేజగారిని నా ముందు నిలబెట్టి, ఆయనతో కలిసి నటించే అవకాశం నాగార్జునగారు ఇప్పించారు. నిజంగా ఒకవైపు కప్పు, మరోవైపు రవితేజగారు ఉంటే, ఆ కప్పును ప్రశాంత్కు ఇచ్చి నేను రవితేజగారి సినిమాకు ఓటేసేవాడిని. ఎక్కడ గెలవాలనుకున్నానో అక్కడ గెలిచా. రవితేజగారిని కలవాలన్నది నా 20 సంవత్సరాల కల. ఆయనను చూస్తూ పెరిగా. అలాంటి నేను ఆయన పక్కన నటించేందుకు వెళ్తుంటే నాకు ఓట్లు వేసిన వాళ్లు ఎందుకు ఫీలవుతారు. వాళ్లూ సంతోషిస్తారు’’
కుటుంబం విలువ తెలిసింది!
‘‘చుట్టూ కెమెరాలున్నా మనం తప్పు చేస్తున్నామని తెలిసి కూడా మార్చుకోకపోతే దాని అర్థం గేమ్లో పూర్తిగా మునిగిపోవడం. బిగ్బాస్ నాకు బీపీలాగా ఎక్కేసింది. కొన్నిసార్లు నేను ఏడ్చినా కన్నీళ్లు రాలేదు. బయట పరిస్థితులు అలా నన్ను మార్చాయి. అర్జున్ అన్న వచ్చి నన్ను నామినేట్ చేసిన తర్వాత కన్నీళ్లు వచ్చేలా ఏడ్చా. బయట వ్యక్తులతో ఎలాంటి కాంటాక్ట్స్ లేకుండా హౌస్లో ఉండటం వల్ల కుటుంబం విలువ బాగా తెలిసింది. నేను కెప్టెన్ అవ్వాలని కలగన్నా. అంతలా ఆటకు కనెక్ట్ అయ్యా. అందుకే ప్రియాంక కెప్టెన్ అయినా, అభినందించలేకపోయా’’
శివాజీ మాట తప్పి, మళ్లీ నెలబెట్టుకున్నారు!
‘‘ఎక్కడో ఒక చోట నన్ను తొక్కేయాలని చాలా మంది అనుకున్నారు. భోలే షావలి, అశ్విని, శివాజీ, యావర్, రతిక ఎవరూ నాకు హెల్ప్ చేయలేదు. శోభ, ప్రియాంకలే నాకు సాయం చేశారు. కేవలం శివాజీ వల్లే యావర్, ప్రశాంత్ ఫినాలే వరకూ రాలేదు. వాళ్ల ఆటతీరుతో మెప్పించి ఇక్కడ వరకూ వచ్చారు. బిగ్బాస్ హౌస్లోకి వెళ్లాలంటే ఒక విషయం తెలుసుకోండి. ‘నీ బలమేంటో తెలుసుకో.. పక్కవాడిని నమ్ముకో.. నీ పక్కన పెట్టుకో.. ముందుకు వెళుతూ ఉండు’ ఈ కాన్సెప్ట్తో హౌస్లో చాలా మంది ఉన్నారు. శివన్నకు ఉన్న మైండ్ గేమ్ ఎవరి దగ్గరా లేదు. జనాలు ఓట్లు వేస్తే, ప్రశాంత్ గెలిచాడు. శివాజీ తన ఆట ఆడుకున్నారు. ఎవరిని ఎక్కడ తొక్కాలో అక్కడ తొక్కేశారు కూడా. ఇంతకు మించి ఏమీ లేదు. ప్రశాంత్ కప్పు గెలుచుకోడానికి శివాజీ అన్నకూ సంబంధం లేదు. ఆ మాటలు చెప్పి ఆయన్ను పైకి ఎత్తకండి. నాకు ఓట్లు వేసి, ఫైనల్స్ వరకూ ప్రోత్సహించిన ప్రేక్షకులకు ఎప్పుడూ రుణ పడి ఉంటా’’
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘పుష్పక విమానం’ లాంటి మూకీ చిత్రం చేయాలనుంది!
‘‘ఆద్యంతం వినోదం పంచుతూనే మంచి సందేశమిచ్చే చిత్రం ‘ఆ.. ఒక్కటీ అడక్కు’. పెళ్లి వెనకున్న ఓ సమస్యను.. దాని చుట్టూ జరుగుతున్న రూ.కోట్ల వ్యాపారాన్ని.. ఓ స్కామ్ను దీంట్లో వినోదాత్మకంగా చూపించాం. -
ఇండస్ట్రీలో ఆ హీరోయిన్స్ తక్కువ.. ఆ ఖాళీని భర్తీ చేయాలనుకుంటున్నా!
faria abdullah interview: అల్లరి నరేశ్, ఫరియా అబ్దుల్లా జంటగా నటించిన కామెడీ ఎంటర్టైనర్ ‘ఆ ఒక్కటీ అడక్కు’ మూవీ విడుదల కానున్న నేపథ్యంలో ఫరియా పంచుకున్న విశేషాలు.. -
పరిశ్రమను వదిలి వెళ్లాలనుకున్నా!
‘మురారి’, ‘ఇంద్ర’, ‘మన్మథుడు’లాంటి హిట్ చిత్రాలతో తెలుగు ప్రేక్షకులకు దగ్గరైన బాలీవుడ్ నాయిక సోనాలీ బెంద్రే. చాలా ఏళ్ల విరామం తర్వాత ‘ది బ్రోకెన్ న్యూస్’ అనే సిరీస్తో తెరపై కనిపించింది. -
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు.
తాజా వార్తలు (Latest News)
-
భారత కంపెనీపై దిల్లీ హైకోర్టుకు టెస్లా.. కారణం ఇదే..
-
నా స్థాయికి తగ్గ బౌలింగ్ చేయలేకపోయా: ముంబయి స్టార్ ఆల్రౌండర్
-
బజాజ్ కొత్త పల్సర్ NS400Z.. టాప్ స్పీడ్ 154kph
-
‘రాహుల్ గాంధీ పేరుందని పోటీ వద్దంటే ఎలా?: సుప్రీంకోర్టు
-
రివ్యూ: ఆ ఒక్కటీ అడక్కు.. అల్లరి నరేష్ ఖాతాలో హిట్ పడిందా?
-
అత్యుత్తమ ఫామ్ అందుకోలేదు... నా బెస్ట్ ఇన్నింగ్స్ ఇది కాదు: రియాన్