kannappa: ‘కన్నప్ప’ తొలి బాణం

తన నేత్రాల్ని ఈశ్వరుడికి అర్పించిన పరమభక్తుడైన కన్నప్ప జీవితం ఆధారంగా రూపొందుతున్న చిత్రం ‘కన్నప్ప’. మంచు విష్ణు ప్రధాన పాత్రని పోషిస్తున్నారు. ముఖేష్‌ కుమార్‌ సింగ్‌ దర్శకత్వం వహిస్తున్నారు. మోహన్‌బాబు నిర్మాత. ఆయనతోపాటు మోహన్‌లాల్‌, ప్రభాస్‌, శరత్‌కుమార్‌ తదితరులు కీలక పాత్రలు పోషిస్తున్నారు. మహా శివరాత్రి సందర్భంగా శుక్రవారం ఫస్ట్‌లుక్‌ పోస్టర్‌ని విడుదల చేశారు. విల్లు ఎక్కుపెట్టిన కన్నప్పగా మంచు విష్ణు ఆ లుక్‌లో కనిపిస్తున్నారు. ‘‘ధైర్యవంతుడైన యోధుడిగా... శివ భక్తుడిగా మంచు విష్ణు నటన ఆకట్టుకుంటుంది. పాత్రలోని గాఢతని చాటే లుక్‌కి మంచి స్పందన లభిస్తోంది. పలు భాషల్లో పాన్‌ ఇండియా స్థాయిలో చిత్రాన్ని ప్రేక్షకుల ముందుకు తీసుకొస్తామ’’ని సినీ వర్గాలు తెలిపాయి.