Dear Students: ‘డియర్‌ స్టూడెంట్స్‌’ సందడి మొదలు

ఇటీవలే ‘డియర్‌ స్టూడెంట్స్‌’ అగ్రతార నయనతారకు స్వాగతం పలికారు. ఈమె, నివిన్‌ పౌలీ జంటగా నటిస్తున్న వినోదాత్మక చిత్రమిది. సందీప్‌ కుమార్‌, జార్జ్‌ ఫిలిప్‌రాయ్‌ సంయుక్తంగా తెరకెక్కిస్తున్నారు. తాజాగా ఈ సినిమా చిత్రీకరణ పూజా కార్యక్రమాలతో ప్రారంభమైంది. ఈ విషయాన్ని నయన్‌ సామాజిక మాధ్యమాల వేదికగా తెలిపింది. ఈ చిత్రం కాలేజీ పిల్లల చుట్టూ తిరిగే కథనంతో ఎంతో వినోదాత్మకంగా రూపొందుతున్నట్లు కొన్ని రోజుల క్రితం విడుదలైన గ్లింప్స్‌ స్పష్టం చేస్తోంది. నివిన్‌, నయన కలయికలో 2019లో వచ్చిన ‘లవ్‌ యాక్షన్‌ డ్రామా’ ప్రేక్షకుల్ని అలరించింది. ఇన్నేళ్లకు మళ్లీ ఈ జోడీ నటిస్తున్న ‘డియర్‌ స్టూడెంట్స్‌’ కోసం అభిమానులు ఆసక్తిగా ఎదురుచూస్తున్నారు. ఇందులో నయనతార  టీచర్‌గా కనిపించనున్నట్లు సన్నిహిత వర్గాలు తెలిపాయి. ప్రస్తుతం ఈమె నటించిన ‘టెస్ట్‌’ విడుదలకు సిద్ధంగా ఉంది.