Khakee Season 2: నీరజ్‌ పాండే ‘ఖాకీ: సీజన్‌-2’ వచ్చేస్తోంది!

ఇంటర్నెట్‌డెస్క్‌: నీరజ్‌ పాండే దర్శకత్వంలో గతేడాది నెట్‌ఫ్లిక్స్‌ వేదికగా విడుదలైన క్రైమ్‌ థ్రిల్లర్‌ వెబ్‌సిరీస్ ‘ఖాకీ: ది బిహార్‌ చాప్టర్‌’. మొత్తం ఏడు ఎపిసోడ్‌ల ఈ సిరీస్‌ ఆద్యంతం ఉత్కంఠతో అలరించింది. ఐపీఎస్‌ అధికారి అమిత్‌ లోథా జీవితంలో జరిగిన యథార్థ సంఘటనల ఆధారంగా ‘సీజన్‌-1’ను తెరకెక్కించారు నీరజ్‌ పాండే. ఓటీటీ ప్రేక్షకులను విశేషంగా అలరించిన ఈ సిరీస్‌కు కొనసాగింపు ఉంటుందని చివరిలో చెప్పారు. అన్నట్లుగానే ఇప్పుడు ‘ఖాకీ: సీజన్‌2’ త్వరలోనే ఓటీటీలో స్ట్రీమింగ్‌కు సిద్ధమవుతోంది. ఈ విషయాన్ని తెలియజేస్తూ నెట్‌ఫ్లిక్స్‌ టీజర్‌ను పంచుకుంది. సీజన్‌2కు కూడా నీరజ్‌పాండే దర్శకత్వం వహిస్తున్నారు. సీజన్‌-1ను బిహార్‌ నేపథ్యంలో సాగే కథతో తెరకెక్కించగా, ఇప్పుడు ఏ కథతో ప్రేక్షకుల ముందుకు వస్తారో చూడాలి.