Prithviraj: యుద్ధానికి సిద్ధమైన ‘పృథ్వీరాజ్‌’

ప్రేమ, శౌర్యం, ధర్మం మూర్తీభవించిన మహా వీరుడు పృథ్వీరాజ్‌ చౌహాన్‌ పాత్రలో అక్షయ్‌కుమార్‌ నటిస్తున్న చిత్రం ‘పృథ్వీరాజ్‌’. మానుషి ఛిల్లర్‌ కథానాయిక. సోనూసూద్‌, సంజయ్‌దత్‌ ప్రముఖ పాత్రల్లో కనిపిస్తారు. సుదీర్ఘకాలంగా ప్రేక్షకులను ఊరిస్తున్న ఈ చిత్రం జూన్‌ 3న విడుదల కానుంది. తాజాగా ఈ చిత్ర ట్రైలర్‌ సోమవారం విడుదల చేశారు. శక్తిమంతమైన సంభాషణలు, రోమాలు నిక్కబొడుచుకునే పోరాట దృశ్యాలు ఇందులో కనిపించాయి. పృథ్వీరాజ్‌ చౌహాన్‌ భార్య సంయోగితగా మానుషి అలరించనుంది. వీరిద్దరి మధ్యా వచ్చే ప్రేమ సన్నివేశాలు ప్రధాన ఆకర్షణగా ఉండనున్నాయని సమాచారం. మహమ్మద్‌ ఘోరీడి మానవ్‌ విజ్‌.. అక్షయ్‌కుమార్‌తో తలపడనున్నాడు. చంద్రప్రకాశ్‌ ద్వివేది దర్శకత్వం వహించిన ఈ చిత్రాన్ని యశ్‌రాజ్‌ ఫిల్మ్స్‌ నిర్మించింది.