Kannappa: కన్నప్ప కోసం

వివిధ చిత్ర పరిశ్రమలకి చెందిన సీనియర్‌ నటులు ‘కన్నప్ప’ చిత్రంలో భాగం అవుతున్నారు. మలయాళం నుంచి  మెహన్‌లాల్‌, కన్నడ నుంచి శివరాజ్‌ కుమార్‌ ఈ సినిమాలో కీలక పాత్రలు పోషిస్తున్నారు. పాన్‌ ఇండియా సంచలనం ప్రభాస్‌ ఓ కీలక పాత్రలో కనిపించనున్నారు. ఈ సినిమా తారాగణంలో మోహన్‌బాబు, శరత్‌కుమార్‌ కూడా చేరారు. ఆ విషయాన్ని గురువారం వెల్లడించింది చిత్రబృందం. శివభక్తుడైన కన్నప్ప జీవిత చరిత్ర ఆధారంగా రూపొందుతున్న సినిమా ఇది. మంచు విష్ణు కీలక పాత్ర పోషిస్తున్నారు. ఆయనే నిర్మాత. ముఖేష్‌ కుమార్‌ సింగ్‌ దర్శకత్వం వహిస్తున్నారు.