Sri Leela: ప్రణవి ‘ధమాకా’

రవితేజ హీరోగా నక్కిన త్రినాథరావు తెరకెక్కిస్తున్న యాక్షన్‌ ఎంటర్‌టైనర్‌ ‘ధమాకా’. టీజీ విశ్వప్రసాద్‌ నిర్మాత. శ్రీలీల కథా నాయిక. మంగళవారం ఆమె పుట్టినరోజు సందర్భంగా ఈ సినిమా నుంచి ఓ కొత్త లుక్‌ విడుదల చేశారు. అందులో శ్రీలీల నుదుటిపై చేయి పెట్టుకొని క్యూట్‌ ఎక్స్‌ప్రెషన్స్‌తో అందంగా కనిపించింది. ఆమె ఇందులో ప్రణవిగా అలరించనున్నట్లు చిత్ర బృందం తెలిపింది. ప్రస్తుతం తుది దశ చిత్రీకరణలో ఉన్న ఈ సినిమా.. త్వరలో ప్రేక్షకుల ముందుకు రానుంది. సంగీతం: భీమ్స్‌ సిసిరోలియో, కథ, మాటలు: బెజవాడ ప్రసన్న కుమార్‌, ఛాయాగ్రహణం: కార్తీక్‌ ఘట్టమనేని.