Aamir Khan: తారల మెరుపులు షురూ

అగ్ర కథానాయకుడు ఆమిర్‌ఖాన్‌ ‘లాల్‌సింగ్‌ చద్ధా’ పరాజయం తర్వాత అభిమానులు, పరిశ్రమవర్గాల చూపంతా ‘సితారే జమీన్‌ పర్‌’పైనే ఉంది. దీన్ని ఆర్‌.ఎస్‌.ప్రసన్న తెరకెక్కిస్తున్నారు. పదహారేళ్ల కిందట వచ్చిన ‘తారే జమీన్‌ పర్‌’కి ఇది సీక్వెల్‌. వచ్చే నెల నుంచి దిల్లీలో చిత్రీకరణ ప్రారంభం కానుందని గురువారం సినీవర్గాలు తెలిపాయి. నెలరోజులపాటు సాగే ఈ షెడ్యూల్‌లో పదకొండు మంది కుర్రాళ్లతో కలిసి ఆమిర్‌ షూటింగ్‌లో పాల్గొననున్నారు. ఈ సినిమాలో జెనీలియా.. ఆమిర్‌ఖాన్‌కి జోడీగా నటిస్తుండగా.. దర్శీల్‌ సఫారీ కీలక పాత్ర పోషిస్తున్నాడు. ఈ ఏడాది క్రిస్మస్‌కి విడుదల కానుంది.