RGV: ప్రేమపాటకు ఆర్జీవీ ఫిదా

వావ్‌ అంటూ కామెంట్‌

హైదరాబాద్‌: తరచూ వివాదాస్పద వ్యాఖ్యలు, సినిమాలతో వార్తల్లో నిలిచే ప్రముఖ దర్శకుడు రామ్‌గోపాల్‌ వర్మ మొదటిసారి ఓ ప్రేమ పాటకు ఫిదా అయ్యారు. పాట సూపర్‌గా ఉందంటూ ట్వీట్‌ చేశారు. సునీల్‌ కీలకపాత్రలో నటిస్తున్న చిత్రం ‘కనబడుటలేదు’. వైశాలీరాజ్‌, సుక్రాంత్‌, హిమజ ప్రధాన పాత్రల్లో నటిస్తున్న ఈ చిత్రం త్వరలో ‘స్పార్క్‌’ ఓటీటీ వేదికగా ప్రేక్షకుల ముందుకు రానుంది. ఈ నేపథ్యంలో ‘కనబడుట లేదు’ నుంచి ‘తొలిసారి నేనే’ అనే పాటను కాజల్‌ విడుదల చేశారు. ఈ అందమైన మెలోడిని విడుదల చేయడం తనకెంతో ఆనందంగా ఉందని ఆమె తెలిపారు.

కాగా, ఈ పాట లిరికల్‌ వీడియోని షేర్‌ చేసిన ఆర్జీవీ చిత్రబృందంపై ప్రశంసల వర్షం కురిపించారు. సస్పెన్స్‌, క్రైమ్‌ థ్రిల్లర్‌గా తెరకెక్కుతోన్న ఈ చిత్రానికి బాలరాజు ఎం. దర్శకత్వం వహిస్తున్నారు. ఇందులో సునీల్‌ మర్డర్‌ మిస్టరీని ఛేదించే గూఢాచారిగా సీరియస్‌ లుక్‌లో కనిపించనున్నారు. ఇటీవల విడుదలైన ఈ సినిమా టీజర్‌కు ప్రేక్షకుల నుంచి మంచి స్పందన లభించిన విషయం తెలిసిందే.