Maayon: ‘కట్టప్ప’ తనయుడి ‘మాయోన్‌’.. ‘మాంపాహీ’ గీతం విన్నారా..!

ఇంటర్నెట్‌ డెస్క్‌: ప్రముఖ నటుడు సత్యరాజ్‌ (కట్టప్ప) తనయుడు శిబి సత్యరాజ్‌ హీరోగా తెరకెక్కుతున్న చిత్రం ‘మాయోన్‌’. తాన్యా రవిచంద్రన్‌ కథానాయిక. కిశోర్‌ ఎన్‌. దర్శకత్వం వహిస్తున్నారు. ఈ సినిమాలోని ‘మాంపాహీ’ అనే గీతాన్ని చిత్ర బృందం సోమవారం విడుదల చేసింది. ఈ ఆధ్యాత్మిక గీతానికి ఇళయరాజా స్వరాలు సమకూర్చారు. భాస్కరభట్ల రవికుమార్‌ రచించగా సైంధవి శ్రీవాత్సన్‌, వినయ కార్తీక్‌ రాజన్‌ ఆలపించారు. ఓ దేవాలయం, అందులోని గుప్తనిధుల చుట్టూ సాగే కథనంతో ఈ సినిమా తెరకెక్కుతోంది. ఈ చిత్రాన్ని అరుణ్‌ మొళి నిర్మిస్తూ స్క్రీన్‌ప్లే అందిస్తున్నారు. 

► Read latest Cinema News and Telugu News