Ap News: వైకాపా నేతలు, సినిమా వాళ్లు పరస్పరం దూషించుకోవడం సరికాదు: రామకృష్ణ

విజయవాడ‌: ఆంధ్రప్రదేశ్‌ ముఖ్యమంత్రి వైఎస్‌ జగన్‌, సినిమాటోగ్రఫీ మంత్రి కలిసి అసోసియేషన్లతో చర్చలు జరిపి సినిమా టిక్కెట్‌ రేట్ల వివాదానికి పరిష్కారం చూపాలని సీపీఐ రాష్ట్ర కార్యదర్శి రామకృష్ణ కోరారు. వైకాపా నేతలు, సినిమా వాళ్లు పరస్పరం దూషించుకోవడం సరికాదన్నారు. వ్యక్తులతో విడివిడిగా కాకుండా మూవీ ఆర్టిస్ట్స్, డైరెక్టర్స్, డిస్ట్రిబ్యూటర్స్ అసోసియేషన్లు, థియేటర్ల యాజమాన్యాలతో చర్చలు జరిపితేనే ఫలితం ఉంటుందని అభిప్రాయపడ్డారు. సినిమా టికెట్ల ధరల తగ్గింపుపై దృష్టిపెట్టిన విధంగానే సిమెంటు, ఇసుక, స్టీల్, పెట్రోల్, డీజిల్, వంటగ్యాస్, నిత్యావసర వస్తువుల ధరల తగ్గింపుపైనా ముఖ్యమంత్రి దృష్టి సారించాలని రామకృష్ణ కోరారు.