175 కాదు.. పులివెందులను కాపాడుకో జగన్‌

ఈనాడు, అమరావతి: వచ్చే ఎన్నికల్లో 175కి 175 స్థానాల్లో గెలుస్తామంటూ సీఎం జగన్‌ చేస్తున్న ప్రకటనలపై చంద్రబాబు ప్రతిస్పందిస్తూ..‘175కి 175 కాదు. సవాలు చేస్తున్నా... పులివెందులను కాపాడుకో. ప్రజలను మోసం చేసే వ్యక్తి రాజకీయ నాయకుడు కాదు’ అన్నారు.

‘ఈ మహానాడు తొలిరోజు సమావేశానికి 15వేల మందిని ఆహ్వానించాం. కానీ, లక్షకుపైగా వచ్చారు. అంటే నేను ఒకరిని పిలిస్తే ఏడుగురు వచ్చారు. ఇది ఆరంభం మాత్రమే. రాబోయే రోజుల్లో వైకాపాకు దిమ్మ తిరుగుతుంది. ఈ రోజు ఇక్కడ ఇచ్చే సందేశం, మనం ఆలోచించుకునే విధానాన్ని 5 కోట్ల మంది రాష్ట్ర ప్రజలతో పాటు, తెలంగాణలోని ప్రజలకూ చేరవేసే బాధ్యత నాయకులదే’ అని చంద్రబాబు చెప్పారు.