Kanna: ఏపీకి జగన్‌ ఎందుకు కావాలో ఒక్క కారణం చెప్పండి: కన్నా లక్ష్మీనారాయణ

గుంటూరు: ఆంధ్రప్రదేశ్‌కు సీఎం జగన్‌ ఎందుకు కావాలో ఒక్క కారణం చెబితే చాలని తెదేపా నేత, మాజీ మంత్రి కన్నా లక్ష్మీనారాయణ అన్నారు. గుంటూరులో ఏర్పాటు చేసిన మీడియా సమావేశంలో ఆయన మాట్లాడారు. రాష్ట్రానికి జగన్‌ ఎందుకు అవసరం లేదో వంద కారణాలతో పుస్తకమే ముద్రించవచ్చని చెప్పారు. ‘‘ఆంధ్రప్రదేశ్‌ను తెలంగాణకు తాకట్టు పెట్టినందుకా? లేక రాజధాని లేకుండా చేసినందుకా? జగన్‌ మళ్లీ సీఎం కావాలనుకుంటున్నారు. ఒక్క ఛాన్స్‌ అంటూ అధికారంలోకి వచ్చి రాష్ట్రాన్ని ఆయన సర్వనాశనం చేశారు. 2019 నాటికి పోలవరం నిర్మాణాన్ని తెదేపా అధినేత చంద్రబాబు 75 శాతం పూర్తి చేసి ఇచ్చారు. మిగిలిన 25 శాతం పూర్తి చేయకుండా జగన్‌ పూర్తిగా నాశనం చేశారు’’ అని కన్నా మండిపడ్డారు.