Mega Fans: మేమంతా జనసేన వెంటే..: ‘మెగా’ అభిమానుల నిర్ణయం

విజయవాడ: జనసేన అధినేత పవన్‌కల్యాణ్‌ వెంట నడవాలని ‘మెగా’ అభిమానులు నిర్ణయించారు. విజయవాడలోని ఓ హోటల్‌లో చిరంజీవి, పవన్‌కల్యాణ్‌, రామ్‌చరణ్‌ అభిమానులు సమావేశమయ్యారు. అనంతరం అఖిల భారత చిరంజీవి అభిమాన సంఘం అధ్యక్షుడు స్వామి నాయుడు మీడియాతో మాట్లాడారు. జనసేనను జనంలోకి తీసుకెళ్లేలా తమవంతు కృషి చేస్తామని ఆయన తెలిపారు. 2024లో పవన్‌ కల్యాణ్‌ను సీఎం చేయడమే లక్ష్యంగా ముందుకు సాగుతామని చెప్పారు. పార్టీ ఆదేశాలను పాటిస్తూ ముందుకెళతామని.. మెగా అభిమానులంతా జనసేన కార్యకర్తలుగా పనిచేస్తారన్నారు.