విశాఖ ఉక్కుపై పునరాలోచించండి: వైకాపా

దిల్లీ: వైకాపా లోక్‌సభాపక్ష నేత మిథున్‌రెడ్డి, ఎంపీ రెడ్డప్ప బుధవారం కేంద్ర ఉక్కు శాఖమంత్రి ధర్మేంద్ర ప్రధాన్‌తో సమావేశమయ్యారు. విశాఖ ఉక్కు ప్రైవేటీకరణ విషయంలో పునరాలోచన చేయాలని కోరారు. విశాఖ ఉక్కు కర్మాగారాన్ని అమ్మేస్తున్నామని పార్లమెంటులో కేంద్ర ఆర్థికమంత్రి చేసిన ప్రకటనతో  ప్రారంభమైన నిరసనలు  తీవ్రస్థాయికి చేరిన విషయం తెలిసిందే. స్టీలుప్లాంటు ఉద్యోగుల ఆందోళన, ఆగ్రహం, నిరసనలతో మంగళవారం విశాఖ నగరం హోరెత్తింది. ఎక్కడికక్కడ ర్యాలీలు నిర్వహించారు. ప్రధాన రహదారులను దిగ్బంధించడంతో రవాణా స్తంభించింది. ఉన్నతాధికారులు ఎవరూ కదలకుండా స్టీలుప్లాంటులోని పరిపాలన భవనాన్ని చుట్టుముట్టి, దారులు మూసేశారు. అదే సమయంలో అక్కడికొచ్చిన డైరెక్టర్‌ వేణుగోపాలరావును 6 గంటల పాటు నిర్బంధించారు.