YSRCP: విజయవాడ పశ్చిమ నియోజకవర్గంలో వైకాపాకు ఎదురు దెబ్బ

విజయవాడ: విజయవాడ పశ్చిమ నియోజకవర్గంలో వైకాపాకు ఎదురుదెబ్బ తగిలింది. వైకాపా సీనియర్‌నేత, కనకదుర్గ అమ్మవారి ఆలయ పాలకమండలి మాజీ ఛైర్మన్‌ పైలా సోమినాయుడు ఆ పార్టీకి రాజీనామా చేస్తున్నట్టు తెలిపారు. దుర్గగుడి ఛైర్మన్‌గా కొనసాగించమని కోరితే.. వెల్లంపల్లి శ్రీనివాస్‌ సహకరించలేదన్నారు. బీసీ సామాజిక వర్గానికి చెందిన తనకు వైకాపా టికెట్‌ ఇవ్వలేదన్నారు. ఇప్పటి వరకు కేశినేని నాని తనను ప్రచారానికి కూడా రమ్మని కోరలేదన్నారు. వైకాపాలో తనకు జరిగిన అవమానాలతో బాధపడి ఆ పార్టీ ప్రాథమిక సభ్యత్వానికి రాజీనామా చేస్తున్నట్టు ప్రకటించారు. ఏ పార్టీలో చేరేది త్వరలో ప్రకటిస్తానని సోమినాయుడు తెలిపారు.