PM Modi: ఏపీ ప్రజల జీవితాల్లో మార్పులు తెస్తాం: ప్రధాని మోదీ

అమరావతి: ఏపీ ప్రజల జీవితాల్లో మార్పులు తెస్తామని ప్రధాని మోదీ తెలిపారు. ప్రజాగళం సభకోసం ఆంధ్రప్రదేశ్‌కు వస్తున్నా అంటూ ట్వీట్‌ చేశారు. ‘‘చంద్రబాబు, పవన్‌తో కలిసి బహిరంగ సభలో పాల్గొంటా. ఎన్డీఏకు ఏపీ ప్రజల ఆశీస్సులు కావాలి. రాష్ట్రాన్ని అభివృద్ధి బాటలో పరుగులు తీయిస్తాం’’ అని పేర్కొన్నారు. మరి కాసేపట్లో చిలకలూరిపేట సమీపంలోని బొప్పూడి వద్ద జరిగే సభలో ప్రధాని మోదీ, తెదేపా అధినేత చంద్రబాబు, జనసేన అధినేత పవన్‌ కల్యాణ్‌ ఒకే వేదికపై కనిపించనున్నారు. ఇప్పటికే పవన్‌ కల్యాణ్‌, పురందేశ్వరి, నారా లోకేశ్‌, నందమూరి బాలకృష్ణ తదితరులు సభా ప్రాంగణానికి చేరుకున్నారు.