ఏపీ ప్రభుత్వంపై సర్పంచ్‌ల ఫిర్యాదు.. విచారణ జరిపిస్తామన్న కేంద్రమంత్రి

దిల్లీ: ఆర్థిక సంఘం నిధుల మళ్లింపుపై సమగ్ర విచారణ జరిపి చర్యలు తీసుకోవాలంటూ రాష్ట్ర సర్పంచ్‌లు సంఘం కేంద్రానికి ఫిర్యాదు చేసింది. తెదేపా ఎంపీలు రామ్మోహన్‌నాయుడు, కనకమేడల రవీంద్రకుమార్‌ నేతృత్వంలో కేంద్ర మంత్రి కపిల్‌ పాటిల్‌ను కలిసిన సర్పంచ్‌లు.. సంతకాలు లేకుండా రూ.8,860కోట్లు  ప్రభుత్వం వాడుకుందని ఫిర్యాదులో పేర్కొన్నారు. 12,998 పంచాయతీల్లో విద్యుత్‌ బిల్లుల పేరుతో నిధులు మళ్లించుకున్నారని తెలిపారు. ఈ విషయంపై స్పందించిన కేంద్ర మంత్రి  సమగ్ర విచారణ జరిపిస్తామని సర్పంచ్‌లకు హామీ ఇచ్చారు. నరేగా నిధులనూ వినియోగించుకోనివ్వట్లేదని సర్పంచ్‌లు ఫిర్యాదు చేశారు.