PBKS vs GT: శుభ్మన్ మెరిసె.. టైటాన్స్ మురిసె
ధనాధన్ దంచుడు లేదు.. బౌండరీల మోతా లేదు. తక్కువ స్కోర్లే. కానీ ఈ ఐపీఎల్లో మరో మ్యాచ్కు ఉత్కంఠభరిత క్లైమాక్స్. పంజాబ్ కింగ్స్, గుజరాత్ టైటాన్స్ హోరాహోరీ సమరం అభిమానులను మురిపించింది. పంజాబ్ కష్టంగా 153 చేస్తే.. ఆ లక్ష్యాన్ని ఛేదించడానికి టైటాన్స్ చెమటోడ్చింది.
పంజాబ్ పరాజయం
రాణించిన మోహిత్
మొహాలి
ధనాధన్ దంచుడు లేదు.. బౌండరీల మోతా లేదు. తక్కువ స్కోర్లే. కానీ ఈ ఐపీఎల్లో మరో మ్యాచ్కు ఉత్కంఠభరిత క్లైమాక్స్. పంజాబ్ కింగ్స్, గుజరాత్ టైటాన్స్ హోరాహోరీ సమరం అభిమానులను మురిపించింది. పంజాబ్ కష్టంగా 153 చేస్తే.. ఆ లక్ష్యాన్ని ఛేదించడానికి టైటాన్స్ చెమటోడ్చింది. శుభ్మన్.. టైటాన్స్ హీరో.
గుజరాత్ టైటాన్స్ ఉత్కంఠలో నిలిచింది. గురువారం రసవత్తరంగా సాగిన మ్యాచ్లో 6 వికెట్ల తేడాతో పంజాబ్ కింగ్స్పై విజయం సాధించింది. మొదట పంజాబ్ 8 వికెట్లకు 153 పరుగులే చేయగలిగింది. మాథ్యూ షార్ట్ (36; 24 బంతుల్లో 6×4, 1×6) టాప్ స్కోరర్. మోహిత్ శర్మ (2/18), రషీద్ ఖాన్ (1/26), అల్జారి జోసెఫ్ (1/32), జోష్ లిటిల్ (1/31) పంజాబ్కు కళ్లెం వేశారు. ఛేదనలో గుజరాత్కు కష్టపడక తప్పలేదు. శుభ్మన్ గిల్(67; 49 బంతుల్లో 7×4, 1×6) ఇన్నింగ్స్ వెన్నెముకగా నిలవడంతో ఆ జట్టు లక్ష్యాన్ని 19.5 ఓవర్లలో 4 వికెట్లు కోల్పోయి ఛేదించింది. రాహుల్ తెవాతియా (5 నాటౌట్) ఆఖర్లో ఒత్తిడిలో చక్కని షాట్ ఆడి పని పూర్తి చేశాడు.
శుభ్మన్ సూపర్: ఛేదనలో శుభ్మన్ గిల్ ఆటే హైలైట్. పంజాబ్ బౌలర్లూ కట్టుదిట్టంగా బౌలింగ్ చేసినా, ఒత్తిడి తెచ్చినా ఓ వైపు గిల్ నిలవడంతో టైటాన్స్ పైచేయి సాధించింది. పెద్దదేమీ కాని లక్ష్య ఛేదనలో గుజరాత్ ఆరంభం అదిరిపోయింది. ఓపెనర్లు సాహా (30), గిల్ బ్యాట్లు ఝుళిపించడంతో నాలుగు ఓవర్లలోనే ఆ జట్టు 44 పరుగులు చేసింది. అర్ష్దీప్ ఓవర్లో సాహా ఏకంగా నాలుగు బౌండరీలు సాధించాడు. గిల్ కూడా ముచ్చటైన షాట్లు ఆడాడు. అయితే ఆ తర్వాత పంజాబ్ బౌలర్లు కట్టుదిట్టంగా బౌలింగ్ చేశారు. పరుగులు వేగంగా రాలేదు. ఇన్నింగ్స్ అయిదో ఓవర్లో సాహాను ఔట్ చేసిన రబాడ పంజాబ్కు తొలి వికెట్ను అందించాడు. 5 నుంచి 10 ఓవర్ల మధ్య టైటాన్స్కు 36 పరుగులే వచ్చాయి. అయినా సాధించాల్సిన రన్రేట్ ఎక్కువ లేకపోవడం, కుదురుగా బ్యాటింగ్ చేస్తున్న గిల్తో పాటు ఫామ్లో ఉన్న సాయి సుదర్శన్ (19; 20 బంతుల్లో 2×4) క్రీజులో ఉండడంతో ఆ జట్టుకు కంగారు పడాల్సిన అవసరం లేకపోయింది.. 12వ ఓవర్లో సుదర్శన్ ఔట్ కావడంతో 41 పరుగుల రెండో వికెట్ భాగస్వామ్యానికి తెరపడింది. అయితే బౌండరీలకు కళ్లెం వేయగలిగిన పంజాబ్ 15వ ఓవర్లో హార్దిక్ (8)ను కూడా ఔట్ చేసి టైటాన్స్పై ఒత్తిడి తేగలిగింది.
ఆఖర్లో ఉత్కంఠ..: పరుగులు స్వేచ్ఛగా రాకపోవడంతో మ్యాచ్పై ఆసక్తి పెరిగింది కూడా. టైటాన్స్ విజయం అనుకున్నంత తేలిక కాదని అర్థమైన దశ అది. చివరి అయిదు ఓవర్లలో ఆ జట్టు 43 పరుగులు చేయాల్సిన పరిస్థితి. విధ్వంసకారుడు మిల్లర్ (17 నాటౌట్)కు కూడా ధాటిగా ఆడడం సాధ్యం కాలేదు. సమీకరణం చివరి మూడు ఓవర్లలో 25కు మారింది. అయితే రబాడ వేసిన ఇన్నింగ్స్ 18వ ఓవర్లో గిల్ ఓ కళ్లు చెదిరే సిక్స్, మిల్లర్ ఓ ఫోర్ కొట్టడంతో టైటాన్స్పై ఒత్తిడి తగ్గింది. కానీ 19వ ఓవర్లో ఆరు పరుగులే ఇచ్చిన అర్ష్దీప్ మ్యాచ్ను రసవత్తరంగా మార్చేశాడు. బౌండరీలు తేలిగ్గా వచ్చే పరిస్థితి లేకపోవడంతో టైటాన్స్పై ఒత్తిడి పెరిగింది. పైగా చివరి ఓవర్లో ఆ జట్టు ఏడు పరుగులే చేయాల్సివుండగా తొలి బంతికి సింగిల్ ఇచ్చిన కరన్.. తర్వాతి బంతికి గిల్ను బౌల్డ్ చేశాడు. తర్వాతి రెండు బంతులకు రెండు పరుగులు వచ్చాయి. తీవ్ర ఒత్తిడిలో అయిదో బంతిని స్కూప్ షాట్తో తెవాతియా ఫైన్లెగ్ బౌండరీకి తరలించడంతో విజయం గుజరాత్ సొంతమైంది.
పంజాబ్ కట్టడి: అంతకుముందు పంజాబ్కు గొప్ప ఆరంభమేమీ దక్కలేదు. టాస్ ఓడి బ్యాటింగ్కు దిగిన ఆ జట్టు 4 ఓవర్లలో 30 పరుగులకే ఓపెనర్లిద్దరినీ కోల్పోయింది. ఇన్నింగ్స్ రెండో బంతికే ప్రభ్సిమ్రన్ను షమి ఔట్ చేయగా.. నాలుగో ఓవర్లో ధావన్ను లిటిల్ పెవిలియన్ చేర్చాడు. ఆ తర్వాత వచ్చిన బ్యాటర్లు నిలబడ్డారు. కానీ పరుగులే అవసరమైనంత వేగంగా రాలేదు. రషీద్, మోహిత్ శర్మ, జోసెఫ్ ఇలా.. బౌలర్లెవరూ బ్యాటర్లకు స్వేచ్ఛనివ్వలేదు. షమి ఒక్కడే ఎక్కువ పరుగులిచ్చాడు. పంజాబ్ బ్యాటర్లలో ఉన్నంతలో షార్ట్ మెరుగు. కొన్ని చక్కని షాట్లు ఆడిన అతడు.. ఏడో ఓవర్లో జట్టు స్కోరు 55 వద్ద ఔటయ్యాడు. ఆ తర్వాత భానుక రాజపక్స (20; 26 బంతుల్లో 1×4), జితేశ్ శర్మ (25; 23 బంతుల్లో 5×4) 37 పరుగులు జోడించారు. కానీ అందుకోసం 34 బంతులు ఆడారు. 14వ ఓవర్లో జితేశ్ను మోహిత్ ఔట్ చేసేటప్పటికి స్కోరు 92 పరుగులే. సామ్ కరన్ (22; 22 బంతుల్లో 1×4, 1×6) కూడా అంతే. పెద్దగా మెరిసింది లేదు. 14, 15 ఓవర్లలో కలిపి పంజాబ్కు కేవలం అయిదు పరుగులే వచ్చాయి. అయితే ఆ తర్వాత రషీద్ బౌలింగ్లో కరన్ ఓ సిక్స్ దంచాడు. రాజపక్స నిష్క్రమణతో క్రీజులోకి వచ్చిన షారుక్ ఖాన్ (22; 9 బంతుల్లో 1×4, 2×6) కాసేపు బ్యాట్ ఝుళిపించడంతో పంజాబ్ 150 దాటగలిగింది. అతడి దూకుడుతో చివరి మూడు ఓవర్లలో ఆ జట్టు 32 పరుగులు రాబట్టింది. షారుక్ ఆఖరి ఓవర్లో ఔటయ్యాడు. అంతకుముందు ఓవర్లో కరన్ నిష్క్రమించాడు.
100
ఐపీఎల్లో రబాడ వికెట్లు. అత్యంత వేగంగా ఈ మైలురాయి చేరుకున్న బౌలర్గా అతను రికార్డు సృష్టించాడు. 64 మ్యాచ్ల్లో అతను 100 వికెట్లు పడగొట్టాడు. మలింగ (70 మ్యాచ్ల్లో), హర్షల్ పటేల్ (81), భువనేశ్వర్ (82), రషీద్ ఖాన్ (83), అమిత్ మిశ్రా (83), నెహ్రా (83) ఆ తర్వాతి స్థానాల్లో ఉన్నారు.
మోహిత్ కొత్తగా..
మోహిత్శర్మ ఐపీఎల్లో ఓ వెలుగు వెలిగిన పేసర్. చెన్నై సూపర్ కింగ్స్ తరఫున అత్యధిక వికెట్ల వీరుడికి ఇచ్చే పర్పుల్ క్యాప్ (2014) కూడా సొంతం చేసుకున్నాడతను. కానీ ఫామ్, ఫిట్నెస్ కోల్పోయి ఐపీఎల్కే దూరమయ్యాడు. చివరిగా 2020లో దిల్లీకి ఆడిన తర్వాత మళ్లీ కనబడలేదు. నిరుడు గుజరాత్ టైటాన్స్కు నెట్ బౌలర్గా సేవలందించిన ఈ పేసర్.. రెండేళ్ల తర్వాత మళ్లీ ఐపీఎల్ మ్యాచ్ ఆడాడు. గతంలో కంటే ఫిట్గా మారి కొత్త లుక్తో వచ్చిన మోహిత్ పునరాగమనంలో తొలి మ్యాచ్లోనే సత్తా చాటాడు. పంజాబ్తో మ్యాచ్లో పొదుపుగా బౌలింగ్ చేయడమే కాదు ఓ రెండు వికెట్లు కూడా ఖాతాలో వేసుకుని గుజరాత్ విజయంలో కీలకపాత్ర పోషించాడు. ఒకప్పుడు రూ.6.5 కోట్లు పలికిన ఈ పేసర్ను మినీ వేలంలో గుజరాత్ రూ.50 లక్షలకే దక్కించుకుంది.
పంజాబ్: ప్రభ్సిమ్రన్ (సి) రషీద్ ఖాన్ (బి) షమి 0; ధావన్ (సి) జోసెఫ్ (బి) లిటిల్ 8; షార్ట్ (బి) రషీద్ ఖాన్ 36; రాజపక్స (సి) గిల్ (బి) జోసెఫ్ 20; జితేశ్ (సి) సాహా (బి) మోహిత్ 25; సామ్ కరన్ (సి) గిల్ (బి) మోహిత్ 22; షారుక్ రనౌట్ 22; బ్రార్ నాటౌట్ 8; రిషి రనౌట్ 1; ఎక్స్ట్రాలు 11
మొత్తం: (20 ఓవర్లలో 8 వికెట్లకు) 153;
వికెట్ల పతనం: 1-0, 2-28, 3-55, 4-92, 5-115, 6-136, 7-152, 8-153; బౌలింగ్: షమి 4-0-44-1; లిటిల్ 4-0-31-1; జోసెఫ్ 4-0-32-1; రషీద్ 4-0-26-1; మోహిత్ 4-0-18-2
గుజరాత్: సాహా (సి) షార్ట్ (బి) రబాడ 30; శుభ్మన్ (బి) కరన్ 67; సాయి సుదర్శన్ (సి) ప్రభ్సిమ్రన్ (బి) అర్ష్దీప్ 19; హార్దిక్ పాండ్య (సి) కరన్ (బి) హర్ప్రీత్ 8; మిల్లర్ నాటౌట్ 17; తెవాతియా నాటౌట్ 5 ఎక్స్ట్రాలు 8
మొత్తం: (19.5 ఓవర్లలో 4 వికెట్లకు) 154;
వికెట్ల పతనం: 1-48, 2-89, 3-106, 4-148; బౌలింగ్: అర్ష్దీప్ 4-0-33-1; రబాడ 4-0-36-1; బ్రార్ 4-0-20-1; సామ్ కరన్ 3.5-0-25-1; ఆర్.చాహర్ 3-0-24-0; షార్ట్ 1-0-8-0
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
చెన్నైకి షాక్ తప్పదా.. ఐదుగురు బౌలర్ల గైర్హాజరీపై ఫ్లెమింగ్ ఏమన్నాడంటే?
లీగ్ స్టేజ్ చివరిదశకు చేరుకుంటున్న సమయంలో అన్ని ఫ్రాంచైజీలకు ఇబ్బందులు తప్పేలా లేవు. మరీ ముఖ్యంగా చెన్నై అభిమానులకు నిరాశ కలిగించే వార్తలు చక్కర్లు కొడుతున్నాయి. -
హైదరాబాద్.. ఫస్ట్ బ్యాటింగ్ చేస్తారా? 300 కొట్టేస్తారా?
టాప్ ప్లేస్లో ఉన్న రాజస్థాన్తో హైదరాబాద్ కీలక పోరుకు సిద్ధమైంది. ప్లేఆఫ్స్ బెర్తు రేసులో ముందుకు రావాలంటే సన్రైజర్స్కు ఈ మ్యాచ్ అత్యంత కీలకం. -
నంబర్ 6 ర్యాంకర్కు నో ప్లేస్.. ఆ బాధను తట్టుకోవడం కష్టమే: ఇర్ఫాన్ పఠాన్
ప్రపంచ కప్ కోసం జట్టు ఎంపికపై మాజీ క్రికెటర్లు కాస్త గుర్రుగానే ఉన్నారు. సెలక్షన్ కమిటీ కొందరిపట్ల అభిమానం చూపిస్తుందని విమర్శలు గుప్పించారు. -
నా లక్ష్యం వికెట్లు కాదు.. డాట్బాల్స్ వేయడంపైనే దృష్టిపెట్టా: బ్రార్
పంజాబ్ వరుసగా రెండో విజయాన్ని నమోదు చేసింది. ప్లేఆఫ్స్ అవకాశాలను సజీవంగా ఉంచుకుంది. -
ఆ ఇద్దరు లేకపోవడం నష్టమే.. మరో 60 పరుగులు చేయాల్సింది: రుతురాజ్
మ్యాచ్ జరుగుతున్నప్పుడు పెద్దగా ఆందోళన పడని రుతురాజ్ టాస్ సమయంలో మాత్రం ఒత్తిడికి గురయ్యాడట. ఇదే విషయాన్ని స్వయంగా చెన్నై కెప్టెన్ వెల్లడించాడు. -
మ్యాక్సీ.. నీ మాయ ఏమైంది?
ఐపీఎల్లో ఇప్పటికే ఎన్నో మెరుపు ఇన్నింగ్స్లు ఆడిన గ్లెన్ మ్యాక్స్వెల్ (Glenn Maxwell) ఈసారి కూడా అలాగే అలరిస్తాడని ఫ్యాన్స్ ఆశించారు. కానీ మ్యాక్సీ పేలవ ఫామ్తో లీగ్ మధ్యలో తనకు తానుగా బ్రేక్ తీసుకుని షాక్ ఇచ్చాడు. -
‘ఇది మహాయుద్ధం’.. టీమ్ఇండియాకు అమితాబ్ స్పెషల్ మెసేజ్
T20 World Cup: టీ20 ప్రపంచకప్ కోసం భారత ఆటగాళ్లకు అమితాబ్ బచ్చన్ సందేశమిచ్చారు. తన కొత్త సినిమా ‘కల్కి’లోని అశ్వత్థామ అవతారంలో క్రికెటర్లలో ప్రేరణ నింపారు. -
ఫైనల్ ఓవర్లో సిక్స్.. ధోనీ రికార్డు మరింత పదిలం
MS Dhoni: బుధవారం పంజాబ్తో జరిగిన ఐపీఎల్ మ్యాచ్లో చెన్నై ఓడిపోయింది. అయితే, ధోనీ మాత్రం ఇప్పటి వరకు తన పేరిట ఉన్న ఓ రికార్డును ఈ మ్యాచ్తో మరింత పదిలం చేసుకున్నాడు. -
రస్మలై, బిర్యానీ మానేసి.. 16కిలోలు తగ్గి..
రిషబ్ పంత్.. పునరాగమన హీరో. ఘోర ప్రమాదంలో తీవ్రంగా గాయపడి ఇక మామూలుగా నడవడమే కష్టమనుకున్న దశ నుంచి, కెరీరే లేదనుకున్న స్థితి నుంచి కోలుకుని.. తిరిగి భారత జట్టులో చోటు సంపాదించడం ఎంతో స్ఫూర్తిదాయకం. -
చెన్నైకి పంజాబ్ పంచ్
పంజాబ్ కింగ్స్ అదుర్స్. వరుసగా నాలుగు ఓటముల అనంతరం కళ్లు చెదిరే బ్యాటింగ్తో గత మ్యాచ్లో కోల్కతాపై సంచలన విజయం సాధించిన ఆ జట్టు.. మరోసారి మెరిసింది. ఆల్రౌండ్ ఆధిపత్యంతో చెన్నై సూపర్కింగ్స్కు షాకిచ్చింది. -
రాజస్థాన్ను అడ్డుకునేనా?
వరుసగా నాలుగు విజయాలు.. రికార్డు స్కోర్లతో ఐపీఎల్లో జోష్ తీసుకొచ్చిన సన్రైజర్స్ హైదరాబాద్ ఒక్కసారిగా ఢీలాపడింది. వరుసగా రెండు పరాజయాలతో ప్రత్యర్థి జట్లకు కనీస పోటీ ఇవ్వలేని పరిస్థితికి చేరుకుంది. -
రింకు నిరాశ
మంచి ఫినిషర్గా పేరు తెచ్చుకున్న రింకు సింగ్ను టీ20 ప్రపంచకప్కు ఎంపిక చేయకపోవడం అభిమానులు, క్రికెట్ నిపుణులను షాక్కు గురి చేసింది. -
పోరాడి ఓడిన భారత్
థామస్ కప్ బ్యాడ్మింటన్ టోర్నీ చివరి లీగ్ పోరులో భారత జట్టుకు చుక్కెదురైంది. ఇప్పటికే క్వార్టర్ఫైనల్లో అడుగుపెట్టిన భారత్.. గ్రూపు-సి ఆఖరి పోరులో 1-4తో ఇండోనేసియా చేతిలో ఓడింది. -
న్యూయార్క్కు పిచ్ల తరలింపు
టీ20 ప్రపంచకప్ ఆతిథ్యం కోసం అమెరికా ముస్తాబవుతోంది. న్యూయార్క్లో జరిగే మ్యాచ్ల కోసం డ్రాప్ ఇన్ పిచ్లను సిద్ధం చేస్తున్నారు. -
ఆసీస్ జట్టులో స్మిత్కు దక్కని చోటు
టీ20 ప్రపంచకప్లో పోటీపడే ఆస్ట్రేలియా జట్టును బుధవారం ప్రకటించారు. మిచెల్ మార్ష్ నేతృత్వంలోని 15 మంది సభ్యుల జట్టులో వెటరన్ బ్యాటర్ స్టీవ్ స్మిత్కు స్థానం దక్కలేదు. -
భారత జట్టుకు పారిస్ బెర్తే లక్ష్యం
పారిస్ ఒలింపిక్స్లో భారత రికర్వ్ జట్టు అర్హత సాధించాలని లక్ష్యంగా పెట్టుకున్నట్లు భారత ఆర్చర్ బొమ్మదేవర ధీరజ్ అన్నాడు. వ్యక్తిగత విభాగంలో ధీరజ్ ఒక్కడికే పారిస్ బెర్తు దక్కింది. -
మిగతా ఐపీఎల్కు మయాంక్ అనుమానం
ప్లేఆఫ్స్ గడువు సమీపిస్తున్న సమయంలో లఖ్నవూ సూపర్ జెయింట్స్కు పెద్ద ఎదురుదెబ్బ. యువ పేస్ సంచలనం మయాంక్ యాదవ్ మిగతా ఐపీఎల్కు అందుబాటులో ఉండటం అనుమానంగా కనిపిస్తోంది.
తాజా వార్తలు (Latest News)
-
చెన్నైకి షాక్ తప్పదా.. ఐదుగురు బౌలర్ల గైర్హాజరీపై ఫ్లెమింగ్ ఏమన్నాడంటే?
-
4 కంటైనర్లలో రూ.2వేల కోట్లు.. ఆర్బీఐకి చెందినవంటున్న అధికారులు!
-
సిద్ధార్థ్తో నిశ్చితార్థం.. అందుకే వెల్లడించాల్సి వచ్చింది: అదితిరావు
-
లైంగిక దౌర్జన్యం కేసు.. ప్రజ్వల్ రేవణ్ణపై లుక్అవుట్ నోటీసు
-
హైదరాబాద్.. ఫస్ట్ బ్యాటింగ్ చేస్తారా? 300 కొట్టేస్తారా?
-
వాట్సప్లో కొత్త ఫీచర్.. ఇకపై ఈవెంట్ ప్లాన్ చేయొచ్చు!