World Cup - NZ vs AFG: కివీస్‌తో మ్యాచ్‌.. సగం వికెట్లు కోల్పోయిన అఫ్గానిస్థాన్‌

చెన్నై: ప్రపంచకప్‌లో భాగంగా న్యూజిలాండ్‌తో జరుగుతున్న మ్యాచ్‌లో అఫ్గానిస్థాన్‌ (Afghanistan) తడబడుతోంది. తొలుత బ్యాటింగ్‌ చేసిన కివీస్‌ నిర్ణీత 50 ఓవర్లలో 6 వికెట్ల నష్టానికి 288 పరుగులు చేసింది. అనంతరం లక్ష్యఛేదనకు దిగిన అఫ్గాన్‌ ఆరంభంలోనే వికెట్లు కోల్పోవడంతో ఆత్మరక్షణలో పడిపోయి నెమ్మదిగా ఆడుతోంది. 29 ఓవర్లు ముగిసేసరికి 5 వికెట్ల నష్టానికి 114 పరుగులే చేసి ఓటమి దిశగా సాగుతోంది. ఓపెనర్లు రహ్మనుల్లా గుర్భాజ్‌ (11; 21 బంతుల్లో), ఇబ్రహీం జాద్రాన్ (14; 15 బంతుల్లో) ఎక్కువ సమయం క్రీజులో నిలవలేకపోయారు. తర్వాత వచ్చిన హష్మతుల్లా షాహిది (8; 29 బంతుల్లో) కూడా ఆకట్టుకోలేకపోయాడు. అజ్మతుల్లా ఒమర్‌జాయ్‌ (27; 32 బంతుల్లో), రహమత్‌ షా (36; 62 బంతుల్లో) మాత్రమే నిలకడగా ఆడారు. ప్రస్తుతం ఇక్రమ్ (11*), మహ్మద్‌ నబీ (2*) క్రీజులో ఉన్నారు. న్యూజిలాండ్ బౌలర్లలో ట్రెంట్ బౌల్ట్ 2, మ్యాట్‌ హెన్రీ, ఫెర్గూసన్, రచిన్‌ రవీంద్ర ఒక్కో వికెట్ పడగొట్టారు.