కండక్టర్‌కు పాజిటివ్‌.. ప్రయాణికుల్లో ఆందోళన

హనుమకొండ కలెక్టరేట్‌, న్యూస్‌టుడే: ఓ బస్సు కండక్టర్‌ విధుల్లో ఉండగానే కరోనా పాజిటివ్‌ అని సమాచారమందడంతో ప్రయాణికులు ఆందోళనచెందారు. ఆర్టీసీ వరంగల్‌-2 డిపో ఎక్స్‌ప్రెస్‌ సర్వీసు ఉదయం 5.30 గంటలకు హనుమకొండ నుంచి మంచిర్యాల జిల్లాలోని చెన్నూరుకు బయలుదేరింది. అక్కడికి చేరుకున్న వెంటనే ఆ బస్సు కండక్టర్‌ బస్టాండులో కరోనా పరీక్షలు చేయించుకుని తిరిగి ప్రయాణికులతో హనుమకొండకు బయలుదేరారు. బస్సు గోదావరిఖనికి చేరుకున్నాక కండక్టర్‌కు పాజిటివ్‌ వచ్చినట్లు సంక్షిప్త సందేశం అందింది. దీంతో ప్రయాణికులను దించేసి ఖాళీగా హనుమకొండకు వచ్చారు. ఈ విషయం తెలియగానే ప్రయాణికులు ఆందోళన చెందారు.