వాతావరణతరంగ శోధన
భూమి, అంతరిక్ష వాతావరణం మధ్య జరిగే చర్యల మీద అధ్యయనం చేయటం దీని ఉద్దేశం.
అమెరికా అంతరిక్ష సంస్థ నాసా aఇటీవల వాతావరణ తరంగాల ప్రయోగాన్ని (అట్మాస్ఫెరిక్ వేవ్స్ ఎక్స్పెరిమెంట్- ఏడబ్ల్యూఈ) చేపట్టింది. భూమి, అంతరిక్ష వాతావరణం మధ్య జరిగే చర్యల మీద అధ్యయనం చేయటం దీని ఉద్దేశం. స్పేస్ఎక్స్ డ్రాగన్ స్పేస్క్రాఫ్ట్ ద్వారా అంతర్జాతీయ అంతరిక్ష కేంద్రానికి చేరుకుంది. ఇది అంతర్జాతీయ అంతరిక్ష కేంద్రానికి అంటుకొని, భూమి మీద ఓ కన్నేసి ఉంచుతుంది. మన గ్రహం మీద ఆకాశంలో సహజమైన, చాలా తేలికైన పరిదీప్తిని (గ్లో) గమనిస్తూ.. గాలిలో పైకీ కిందికీ కదిలే వాతావరణ గురుత్వ తరంగాల (ఈజీడబ్ల్యూ) తీరును విశ్లేషిస్తుంది. ఇంతకీ ఈ ప్రయోగం అవసరమేంటి?
నావిగేషన్, కమ్యూనికేషన్ కోసం ఉపగ్రహ ఆధారిత సేవల వాడకం రోజురోజుకీ పెరుగుతూ వస్తోంది. అందుకే అంతరిక్ష వాతావరణ సమాచారాన్ని సంగ్రహించటం, దాన్ని అంచనా వేయటం ప్రాధాన్యం సంతరించుకుంటున్నాయి. ఇంతకీ అంతరిక్ష వాతావరణం అంటే ఏంటి? దీని ప్రాముఖ్యతేంటి? మన భూమి మీద వాతావరణం మాదిరిగానే భూమి, ఇతర గ్రహాల చుట్టూరా ఉండే వాతావరణం నిరంతరం సూర్యుడి ప్రభావానికి గురవుతుంటుంది. సౌరజ్వాలలు, సౌర ఉద్గారాలతో పాటు అంతరిక్షంలోని రకరకాల పదార్థాలు దీనిపై ప్రభావం చూపుతాయి. అప్పుడప్పుడూ భూమి మీది వాతావరణం విపరీతంగా మారినట్టే అంతరిక్ష వాతావరణమూ ఒడుదొడుకులకు లోనవుతుంది. ఇవి మనం భూమి మీద ఏర్పాటు చేసుకున్న ఉపగ్రహ ఆధారిత కమ్యూనికేషన్, రేడియో కమ్యూనికేషన్, అంతరిక్ష ఆధారిత కక్ష్యలు లేదా కేంద్రాల వంటి వాటి మీద ప్రత్యక్ష ప్రభావం చూపుతాయి. నావిగేషన్, గ్లోబల్ పొజిషనింగ్ సిస్టమ్స్ (జీపీఎస్), విద్యుత్తు గ్రిడ్ల పనితీరునూ అస్తవ్యస్తం చేస్తాయి. సూర్యుడితో ముడిపడిన ఉద్గారాలే కాకుండా గ్రహాల వాతావరణమూ అంతరిక్ష వాతావరణం మీద ప్రభావం చూపుతాయి.
గురుత్వ తరంగమంటే?
గురుత్వ (గ్రావిటీ) తరంగాలు, గురుత్వాకర్షణ తరంగాలు ఒకటేనని అనుకుంటున్నారేమో. ఇవి రెండూ వేర్వేరు. గురుత్వ అనే పదంతోనే ఈ అయోమయం కలుగుతుంది. ఈ గురుత్వ పదాన్ని తొలగించి చూస్తే తరంగం మాత్రమే మిగులుతుంది. అంతరిక్షంలో భారీ వస్తువుల చలనంతో గురుత్వాకర్షణ తరంగాలు పుట్టుకొస్తాయి. ఆల్బర్ట్ ఐన్స్టీన్ సాపేక్ష సిద్ధాంతం వీటి గురించి ప్రస్తావించింది. కానీ గురుత్వ తరంగాలు ఇలాంటివి కావు. గురుత్వాకర్షణతో వీటికి ప్రత్యేకమైన సంబంధమేమీ లేదు. గురుత్వ ప్రభావాలతో గాలి కదలికలు ఆధారపడి ఉంటాయి. గాలి తిన్నగా గానీ తరంగంగా గానీ కదులుతుంది. ఈ తరంగాలు నిలువుగా లేదా అడ్డంగా ఉండొచ్చు. గురుత్వ తరంగమనేది నిలువు తరంగం. చిన్న ఉదాహరణతో దీన్ని అర్థం చేసుకోవచ్చు. నిశ్చలంగా ఉన్న కొలనులో చిన్న రాయిని విసిరామనుకోండి. అది పడిన చోటు నుంచి తరంగాలు వెలువడి, క్రమంగా విస్తరిస్తుంటాయి కదా. సరిగ్గా ఇలాగే వాతావరణంలోనూ బోలెడన్ని తరంగాలుంటాయి. నిట్ట నిలువుగా, అడ్డంగా కదులుతుంటాయి. అంతరిక్ష గురుత్వ తరంగాలూ ఇలాంటివే. ఇవి నిలువుగా ప్రయాణించే తరంగాలు. చాలావరకివి వాతావరణం విపరీతంగా మారినప్పుడు లేదా హఠాత్తుగా అస్తవ్యస్తమైనప్పుడు స్థిరంగా ఉన్న గాలి నిలువుగా పైకి చేరుకునే సమయంలో ఏర్పడతాయి. తుపాన్ల వంటి ప్రకృతి విపత్తులు వాతావరణం దిగువ స్థాయుల్లో ఈజీడబ్ల్యూ వంటి రకరకాల తరంగాలను సృష్టిస్తాయి. వీటి గురించి ఉపగ్రహాలు అందించే సమాచారం అంతంతే. ఇదే పెద్ద చిక్కు. నిలువుగా ప్రయాణించే తరంగాల కదలికలను మరింత బాగా అవగతం చేసుకుంటేనే అవి మన భూమి వాతావరణం, అంతరిక్ష వాతావరణం మీద చూపే ప్రభావాన్ని అర్థం చేసుకోవటం సాధ్యమవుతుందని పరిశోధకులు భావిస్తున్నారు. ఈ గురుత్వ తరంగాలు ఏర్పడటంలో స్థిరమైన వాతావరణం కీలకపాత్ర పోషిస్తుంది. వాతావరణం స్థిరంగా ఉన్నప్పుడు పైకి లేస్తున్న గాలి, వాయు మండలం మధ్యలోని ఉష్ణోగ్రతల వ్యత్యాసాలు బలాన్ని సృష్టిస్తాయి. ఇది గాలిని యథాస్థానానికి నెడుతుంది. దీంతో గాలి నిరంతరం పైకి ఎగుస్తూ, కిందికి దిగుతూ వస్తుంది. ఒక తరంగం మాదిరి పద్ధతి ఏర్పడుతుంది. వాతావరణంలోని స్థిర పొర ద్వారా ఈ వాతావరణ గురుత్వ తరంగాలు కదులుతాయి. ఇవి అంతరిక్ష వాతావరణం తీరుతెన్నులను ప్రభావితం చేస్తాయి. వీటి సమాచారంతో అక్కడి వాతావరణం తీరుతెన్నులను మరింత బాగా అర్థం చేసుకోవటానికి అవకాశముంటుంది.
ఏడబ్ల్యూఈ ప్రయోగం ఎందుకు?
గ్రహాలు, అంతరిక్ష వాతావరణం మధ్య పరస్పర చర్యల మీద అధ్యయనం చేయటానికి నాసా చేపట్టిన మొట్టమొదటి ప్రయోగం ఇదే. హీలియోఫిజిక్స్ ఎక్స్ప్లోరర్స్ ప్రోగ్రామ్లో భాగంగా దీన్ని నిర్వహిస్తున్నారు. వాతావరణం దిగువ పొరల్లోని తరంగాలు, ఎగువన ఉండే అంతరిక్ష వాతావరణం మీద ఎలాంటి ప్రభావం చూపుతున్నాయో అనే దానిపై ఇది అధ్యయనం చేస్తుంది. అంతర్జాతీయ అంతరిక్ష కేంద్రానికి అంటుకొని భూమి మీద రంగురంగుల కాంతి పట్టికలను (ఎయిర్గ్లో) నమోదు చేస్తుంది. భూమి ఉపరితలం నుంచి సుమారు 85 నుంచి 87 కిలోమీటర్ల ఎగువన (మీసోపాజ్ వద్ద) ఏర్పడే కాంతి పట్టికలను ఏడబ్ల్యూఈ గణిస్తుంది. ఈ మీసోపాజ్ వద్ద వాతావరణ ఉష్ణోగ్రతలు మైనస్ 100 డిగ్రీల సెల్షియస్కు పడిపోతాయి. ఇక్కడ పరారుణ కాంతి పట్టికలో అస్పష్టమైన ఎయిర్గ్లోనూ పట్టుకోవచ్చు. కమ్యూనికేషన్ వ్యవస్థ సాఫీగా సాగటానికి అంతరిక్షం అంచున ఉండే అయానోస్ఫేర్ చాలా ముఖ్యం. అయితే తుపాన్ల వంటి ప్రకృతి విపత్తుల నుంచి పుట్టుకొచ్చే వాతావరణ తరంగాల వంటివి దీనిపై ప్రభావం చూపుతాయో లేదో అనేది ఇంకా తెలియదు. దీన్ని గుర్తించటానికి ఏడబ్ల్యూఈ ప్రయోగం ఉపయోగపడుతుంది.
ఏం చేస్తుంది?
ఇది భూమి వాతావరణంలో రంగురంగుల ఎయిర్గ్లో పటాన్ని రూపొందించటం మీద దృష్టి సారిస్తుంది. దీనిలోని అడ్వాన్స్డ్ మీసోస్ఫెరిక్ టెంపరేచర్ మ్యాపర్ (ఏటీఎంటీ) పరికరం మీసోపాజ్ను జల్లెడ పడుతుంది. ఇమేజింగ్ రేడియోమీటర్తో కూడిన నాలుగు టెలిస్కోప్ల సాయంతో ఆయా కాంతి తరంగధైర్ఘ్యాల ప్రకాశాన్ని సంగ్రహిస్తుంది. ఈ సమచారాన్ని ఉష్ణోగ్రత పటం రూపంలోకి మారుస్తుంది. దీని సాయంతో ఎయిర్గ్లో కదలికలను గుర్తించొచ్చు. అలాగే ఎగువ వాతావరణం, అంతరిక్ష వాతావరణం మీద ఎయిర్గ్లో చూపించే ప్రభావాలకు సంబంధించిన సూచనలనూ అందిస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
అభిమానుల ప్రేమను పొందడం సులభం కాదు: సమంత
-
మా పార్టీ పుట్టుక సంచలనం.. దారి పొడవునా రాజీలేని రణం: కేటీఆర్
-
కిందపడేసి, మోకాలితో అదిమిపెట్టి.. అమెరికాలో పోలీసుల కర్కశత్వం
-
సునీల్ నరైన్కు థ్యాంక్స్.. శశాంక్ ఓ అద్భుతం: బెయిర్స్టో
-
రెచ్చిపోయిన మిలిటెంట్లు.. సీఆర్పీఎఫ్ శిబిరంపై 2 గంటల పాటు కాల్పుల వర్షం
-
పింఛన్ల పంపిణీపై ఏపీ ప్రభుత్వానికి ఈసీ ఆదేశాలు