సీత... ఎప్పటికీ వాళ్ల పెద్ద కూతురే!
సీతారాములు మనకు దేవుళ్లు. కానీ అక్కడి వాళ్లకి మాత్రం వాళ్లు కూతురూ అల్లుడూ. అదెక్కడో... వాళ్ల కథేంటో... చదివేద్దామా?
సీతారాములు మనకు దేవుళ్లు. కానీ అక్కడి వాళ్లకి మాత్రం వాళ్లు కూతురూ అల్లుడూ. అదెక్కడో... వాళ్ల కథేంటో... చదివేద్దామా?
స్వయంవరం ముగిసింది. తను మెచ్చినవాడినే సీత పెళ్లాడబోతోంది. కూతురి ఇష్టం కంటే తండ్రికి కావాల్సింది ఇంకేం ఉంటుంది? అందుకే చాలా ఆనందంలో ఉన్నాడట జనకుడు. అందుకని ఊళ్లోని గోడలన్నీ ‘వధూవరు’ల స్వయంవరం, వేడుకల అందమైన చిత్రాలతో నిండిపోవాలని ఆదేశించాడట. అలా పుట్టుకొచ్చిన ‘మిథిలా కళ’ కాస్తా ‘మధుబని’గా మారిందని చెబుతారు. అందుకే ఈ ఆర్ట్లో రామాయణంలోని వివిధ ఘట్టాలకు, ప్రకృతికే ఎక్కువ ప్రాధాన్యం. ఈ కళ ఇన్నేళ్లైనా కొనసాగడానికీ బిహారీ మహిళలే కారణమంటారు. సంప్రదాయంగా, ఇంటి అలంకరణలో భాగంగా వాళ్లు కొనసాగిస్తూ రావడం వల్లే ఈ తరాలకీ మధుబని పరిచయం అవుతోందంటారు నిపుణులు. సంప్రదాయాలకు వాళ్లిచ్చే విలువ అలాంటిది మరి!
అలాంటి భర్తే కావాలి...
అంతెందుకు, నేడు తెలుగు రాష్ట్రాల్లోనే కాదు... దేశమంతా అంగరంగ వైభవంగా ‘జానకీరాముల’ కల్యాణం చేసి మురిసిపోతాం కదా! మిథిల భాగంగా ఉన్న బిహార్లో మాత్రం ప్రతి పెళ్లి కొడుకూ, పెళ్లికూతురూ సీతారాములే. పెళ్లయ్యాక సీతమ్మ అన్ని కష్టాలు పడింది కదా! అయినా ఆ దంపతుల మధ్య ప్రేమే వీళ్లకీ దక్కాలి అని పాటల ద్వారా దీవిస్తారు. ఇక పెళ్లి కాని అమ్మాయిలైతే ఏకంగా ‘దశరథుడంటి మామగారు, కౌసల్య వంటి అత్తగారు, రఘురాముడంటి భర్తే కావా’లంటూ కోరుకుంటారు కూడా! పెళ్లయ్యాక పుట్టింటిని వదిలి అత్తారింట్లో అడుగు పెడుతుంది అమ్మాయి. ఎంతైనా కొత్త ఇల్లు. ఆకలేసినా నోరు తెరిచి అడగలేని మొహమాటం. సంతృప్తిగా తినాలన్నా భయమే! ఇలాగైతే కూతురు బక్కచిక్కిపోదూ? అందుకని సీతాదేవి తల్లి ప్రత్యేకంగా కొన్ని మిఠాయిలు చేయించి మరీ కూతురికిచ్చి పంపిందట. ఇప్పటికీ బిహార్లో ఆ సంప్రదాయం పాటిస్తున్నారు. పెళ్లికూతురికి అవసరమైన వస్తువులతోపాటు కొన్ని నెలలు నిల్వ ఉండేలా రకరకాల స్వీట్లను తయారుచేసి వధువుతోపాటు పంపిస్తారు.
నీళ్లే తాగరు...
రాముడంటే మనకు దేవుడు. కానీ మిథిలా వాసులకు మాత్రం అల్లుడే! అంతెందుకు, కొన్నేళ్ల క్రితం వరకూ పనిమీద అయోధ్యకు వెళ్లినా అక్కడ పచ్చి మంచినీళ్లు ముట్టుకునేవారు కాదట. ‘అమ్మాయి అత్తారింట్లో గతికితే ఎలా’ అనేవారట. జానకి ఎప్పటికీ వాళ్ల పెద్ద కూతురే. పైగా... ‘సీతారాములను అడవులకు పంపడం అయోధ్య ప్రజలు చేసుకున్న దురదృష్టం. వాళ్ల విలువేంటో మాకు బాగా తెలుసు’ అంటారట. ప్రేమగా సీతతోపాటు రామయ్యనీ ఆదరిస్తారు. చిలిపి పేర్లతో పిలుచుకుంటారు. చూసే వాళ్లకే వింత... వాళ్లకి మాత్రం అది బంధుత్వం. ఆత్మీయతను పంచుకునే విధానం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- నిమ్మతో నిగనిగలాడే అందం..!
- వీపు మీద పొక్కులా..?
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
ఆరోగ్యమస్తు
- వేసవిలో ఈ పండ్లు తింటున్నారా?
- వైట్డిశ్చార్జ్ అవుతుంటే..!
- నడక నేర్చుకుంటూనే!
- సంపూర్ణ ఆరోగ్యం.. ఇలా సొంతం!
- నెలకు రెండుసార్లు పిరియడ్స్.. ఎందుకిలా?
అనుబంధం
- నువ్వే సర్వస్వం అన్నాడు.. అక్కడికెళ్లాక మాట మార్చాడు..!
- ఆడేద్దామా తొక్కుడు బిళ్ల
- Love Brain Disorder: బాయ్ఫ్రెండ్కు వందసార్లు ఫోన్ చేసింది.. చివరికి ఏమైందంటే?!
- పాట్లక్తో...
- నాన్నంటే భయపడుతున్నారు..!
యూత్ కార్నర్
- డూడుల్ డబ్బా అదిరిందబ్బా!
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- పేదరికాన్ని దాటి... చదువుల్లో మెరిసి!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
'స్వీట్' హోం
- రాగి పాత్రలు మెరిసేలా..!
- పిల్లల ముందు ఇలా చేస్తున్నారా.. అయితే జాగ్రత్త!
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
వర్క్ & లైఫ్
- Sonam Kapoor: అప్పుడు 32 కిలోలు పెరిగా.. అయినా ఫీలవలేదు!
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!