Breaking | Feedback | ePratibha | E-PAPER | Pratibha

కటిక చీకట్లో కంటి బాధతో...

కోబ్రా కమాండో విభాగంలో తొలి మహిళా కమాండెంట్‌గా మొదటిసారి ఓ రాత్రిపూట నక్సల్స్‌ ప్రాంతంలో అడవిలోకి వెళ్లాల్సి వచ్చింది. నడుస్తుంటే ఏదో వచ్చి నా కంటిలో గుచ్చుకుంది.

Updated : 04 Nov 2022 05:20 IST

అనుభవ పాఠాలు

కోబ్రా కమాండో విభాగంలో తొలి మహిళా కమాండెంట్‌గా మొదటిసారి ఓ రాత్రిపూట నక్సల్స్‌ ప్రాంతంలో అడవిలోకి వెళ్లాల్సి వచ్చింది. నడుస్తుంటే ఏదో వచ్చి నా కంటిలో గుచ్చుకుంది. చుట్టూ కటిక చీకటి. భరించ లేని బాధ. చిన్న శబ్దం కూడా చేయకూడదు. ఎందుకంటే ఎక్కడ ఎవరున్నారో తెలియదు. వెనక్కి వెళ్లాలన్నా ప్రమాదమే. ఆ నొప్పితోనే పని చేశా. తెల్లారాక చూస్తే నా కంట్లో ఏదో చెక్క ముక్క గుచ్చుకుంది. అడవి నుంచి బయటకొచ్చి వైద్యుల్ని కలిసే వరకు నా బాధ వర్ణనాతీతం. అయినా ఈ యూనిఫాం వేసుకున్నప్పుడే ఏ కష్టానికైనా సిద్ధపడ్డా. మా తాతయ్య, నాన్న సీఆర్‌పీఎఫ్‌లో విధులు నిర్వహించారు. ఏటా స్వాతంత్య్ర దినోత్సవానికి నన్ను నాన్న దిల్లీ తీసుకెళ్లేవారు. ఆ వేడుకల్లో సైనికుల దుస్తులు నన్ను ఆకర్షించేవి. చదువుతూనే క్రీడల్లో అడుగుపెట్టా. దిల్లీ తరఫున ట్రిపుల్‌ జంప్‌ ఆడేటప్పుడు జాతీయ స్థాయిలో గెలవాలనేది లక్ష్యం. కోబ్రా కమాండోగా బాధ్యతలు తీసుకున్నాక మగవాళ్లతో పాటు కలిసి ప్రమాదకర ప్రాంతాల్లో పని చేస్తానని కోరి మరీ వచ్చా. మీరే స్ఫూర్తి అని ఎవరైనా అమ్మాయిలు చెబుతుంటే గర్వంగా ఉంటుంది. యూనిఫాం వేసుకుంటేనే శక్తిమంతులం అనుకోవద్దు. లక్ష్య సాధనకు కృషి చేసే ప్రతి మహిళా శక్తిమంతురాలే. ధైర్య సాహసాలుండి, ఈ రంగంలోకి రావాలనుకుంటే వెనకడుగు వేయొద్దు. నృత్యం, నటన.. ఏ రంగంలోనైనా సరే.. అడుగుపెట్టాలనుకుంటే ఆలోచించకుండా ప్రయత్నించండి. ఫలానా రంగమే మహిళలకు సరైనది అంటూ ఏదీ లేదు. ధైర్యంగా అడుగేసి కృషి చేస్తే చాలు. మీరే విజేతలవుతారు.

- ఉషాకిరణ్‌, సీఆర్‌పీఎఫ్‌ అధికారి

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.