Breaking | Feedback | ePratibha | E-PAPER | Pratibha

ఈ పరిస్థితి ఎందరిదో!

Published : 05 Nov 2022 00:12 IST

అనుభవ పాఠాలు

ఫ్రెండ్‌, టీచర్‌, కోచ్‌, చీర్‌లీడర్‌.. పిల్లలు పుట్టినప్పటి నుంచి ఎదిగేవరకు ఇలా ఎన్నో పాత్రలు పోషించా. వాళ్ల చిన్నతనంలో స్కూలు, ఆర్ట్‌ క్లాస్‌, స్నేహితుల ఇంటికి తిప్పేదాన్ని. వాళ్లు యుక్త వయసుకి వచ్చారు. హమ్మయ్య పెరిగిపోయారు.. అనుక్షణం కనిపెట్టుకోవాల్సిన పనుండదు అనిపిస్తోంది కదా! నిజమే కానీ.. ఇప్పుడు ఈతరం ఆలోచనల్ని అర్థం చేసుకోగలనా? వాళ్ల సమస్యల్ని తీర్చగలనా? వాళ్లని ఆనందంగా ఉంచడమెలా? వాళ్ల అపజయాలను భరించేంత దృఢంగా అయ్యానా.. మళ్లీ బోలెడు కొత్త ప్రశ్నలు. అమ్మని కదా.. చాదస్తంలా తోచినా ఆ గాభరా కొనసాగుతూనే ఉంటుంది. గత రెండు దశాబ్దాలుగా సంస్థ అధినేత్రిగా, అమ్మగా బాగా సమన్వయం చేసుకొచ్చా అనుకుంటున్నారా? ఈ క్రమంలో మాటిచ్చీ చేయలేకపోయినవీ, చేయాలనుకొని విఫలైమనవీ ఎన్నో. అయితే ఏ దశలోనూ కుంగిపోలేదు. నా పరిస్థితి వివరిస్తూనే.. మళ్లీ మళ్లీ ప్రయత్నిస్తూ వచ్చా. కెరియర్‌, కుటుంబం మధ్య సమన్వయం కోసం శ్రమించే వారెందరో. ఆ ప్రయత్నంలో కలిగే ఒత్తిడీ ఎంతో. కానీ బాధపడొద్దు, కుంగిపోవద్దు. మీ ఇబ్బందిని నోరు తెరచి చెప్పండి. అర్థం చేసుకోలేరని మీరే నిర్ణయించుకోవద్దు. చెప్పడం వరకూ మీ బాధ్యత. అన్నట్టూ ఈ పరిస్థితి నాలా, మీలా మరెందరిదో కూడా! వాళ్లను గమనిస్తూ ఉండండి. ముందుకు సాగే చిట్కాలూ దొరుకుతాయి. గర్వంగా మున్ముందుకు నడవండి.. మిమ్మల్ని ఇంకొకరు అనుసరిస్తారు.

- రేవతి అద్వైతి, సీఈఓ, ఫ్లెక్స్‌

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.