Breaking | Feedback | ePratibha | E-PAPER | Pratibha

వాటికి చోటివ్వం

కెరియర్‌ అన్నాక ఎత్తుపల్లాలు సహజం. నేను, విరాట్‌.. ఎన్నో జయాపజయాలను చూశాం. కానీ పెళ్లయ్యాక తన ప్రతి వైఫల్యాన్నీ నా మీదే తోసే వారు.

Updated : 18 Dec 2022 09:35 IST

అనుభవపాఠం

కెరియర్‌ అన్నాక ఎత్తుపల్లాలు సహజం. నేను, విరాట్‌.. ఎన్నో జయాపజయాలను చూశాం. కానీ పెళ్లయ్యాక తన ప్రతి వైఫల్యాన్నీ నా మీదే తోసే వారు. నిజానికి జంట మధ్య విభేదాలకు ఈ కారణం చాలు. అయితే ఇవి మా మధ్య ఏమాత్రం పొరపొచ్చాలు తేలేకపోయాయి. కారణం.. ఇద్దరి సమన్వయ కృషే! మూడు సూత్రాలకు మా బంధంలో విలువనిచ్చాం. ఒకరిపై మరొకరు విశ్వాసం ఉంచడం, ఎలాంటి పరిస్థితిలోనైనా ఒకరికి ఒకరం తోడుగా నిలవడం, వ్యక్తిగత స్వేచ్ఛ ఇచ్చిపుచ్చుకోవడం..

ఆ పరిధులను దాటకపోవడం.. ఇవి మా బంధాన్ని దృఢంగా చేశాయి. పనిరీత్యా ఇద్దరం కొద్దిరోజులపాటు దూరంగా ఉండటం తప్పనిసరి. దాన్ని మా మనసుల్లోకి రానివ్వకుండా చూసుకుంటాం. ఏమాత్రం ఖాళీ దొరికినా ఒకరికొకరం సమయం కేటాయించుకుంటాం. కెరియర్లకు ఇద్దరమూ ప్రాధాన్యమిస్తాం. అలాగని అదే లోకంగా బతకం.
ఆ తలనొప్పులను ఇంటికి తీసుకురాం. ఒకసారి ఇంట్లోకి అడుగుపెట్టామంటే ‘స్టార్‌’ హోదా పక్కన పెట్టేస్తాం. మామూలు భార్యాభర్తలం అయిపోతాం. ఇక బయటివాళ్లు ఏమనుకుంటే ఏమిటి? ఒకరికొకరు తోడుగా ఉంటూ.. పనికీ, వ్యక్తిగత జీవితానికీ పరిధులు విధించుకుంటే.. ఆ బంధం ఎలాంటి పరీక్షలైనా తట్టుకోగలదు, దృఢంగా మారగలదు.

- అనుష్క శర్మ, నటి

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.