ఆమె మాస్కులకు బాలీవుడ్‌ ఫిదా!
close
Updated : 28/08/2021 05:18 IST

ఆమె మాస్కులకు బాలీవుడ్‌ ఫిదా!

చదువయ్యాక ఆన్‌లైన్‌ ఫ్యాషన్‌ సంస్థను ప్రారంభించాలన్నది ఆ అమ్మాయి కోరిక. లాక్‌డౌన్‌తో దానికి బ్రేక్‌ పడింది. కరోనా కారణంగా ఇబ్బంది పడుతున్న పేదలను చూసి ఏదైనా సాయం చేయాలనుకుంది. మాస్కులు తయారుచేసి అందించింది. తర్వాత దాన్నే వ్యాపారంగా మలిచింది. ఇప్పుడు బాలీవుడ్‌ తారలెందరో ఆమె మాస్కులకు ఫిదా అవుతున్నారు.

గెహనా మంగ్లానీ న్యూయార్క్‌లోని పార్సన్స్‌ స్కూల్‌ ఆఫ్‌ డిజైన్‌లో గ్రాడ్యుయేషన్‌లో చేరింది. రెండో ఏడాది చదువుతుండగా కరోనా వ్యాప్తి పెరిగింది. కళాశాలలన్నీ మూతబడి, తరగతులన్నీ ఆన్‌లైన్‌ అయ్యాయి. తను మన దేశానికి తిరిగొచ్చేసింది. ఆపై లాక్‌డౌన్‌. అదే సమయంలో ఎంతోమంది వలస కార్మికులు నడుచుకుంటూ సొంతూళ్లకు ప్రయాణమవ్వడం, సామాజిక దూరంపై అవగాహన లేకపోవడం చూసింది. వాళ్లకి సాయం చేయడంతోపాటు అవగాహన కల్పించాలనుకుంది. ఆ ఆలోచన లోంచి పుట్టుకొచ్చిందే ‘దూరీ’. అంటే దూరమని అర్థం.

తన అన్నయ్య నిహాల్‌ ఆస్ట్రేలియాలో ఎంబీఏ చదువుతున్నాడు. తనూ ఇదే కారణంతో అప్పుడే తిరిగొచ్చాడు. తన సాయంతో మాస్కులను తయారు చేయించి పంచడం మొదలుపెట్టింది. అందరిలానే ఆరు నెలల్లో లాక్‌డౌన్‌ ఎత్తేస్తారనుకుంది. కానీ దాన్ని పొడిగిస్తూ వెళ్లడంతో దూరీని ఆన్‌లైన్‌ వ్యాపార సంస్థగా మార్చాలనుకుంది. డిజైనింగ్‌ విషయాలు తను చూసుకుంటూ మార్కెటింగ్‌లో అన్న సాయం తీసుకుంది. వెబ్‌సైట్‌ను రూపొందించి, అమ్మకాలు ప్రారంభించారు. దీన్ని ఇంకా విస్తరించాలనుకుంది. సెలబ్రిటీలకు పార్శిళ్లను పంపింది. కొద్ది రోజులు వారి నుంచి స్పందన లేక నిరాశపడింది. కానీ దీపికా పదుకొణెవాటిని ఉపయోగిస్తుండటం, ఆమే స్వయంగా ఆన్‌లైన్‌లో ఆర్డర్‌ చేయడం గమనించింది. అప్పటి నుంచి ఇతర సెలబ్రిటీలూ తన కస్టమర్లయ్యారు.

ఇప్పుడు సారా అలీఖాన్‌, శిల్పాశెట్టి, అర్జున్‌ రాంపాల్‌, వరుణ్‌ ధవన్‌.. ఇలా ఎందరో ఆమె మాస్క్‌లను ఉపయోగిస్తున్నారు. ‘భద్రత, సౌకర్యం, అందుబాటు ధర.. ఈ మూడు అంశాలను దృష్టిలో పెట్టుకున్నా. ఇందుకోసం చాలా పరిశోధన చేసి.. మాస్క్‌ డిజైన్‌, ఉపయోగించాల్సిన వస్త్రం మొదలైన అంశాలను నిర్థరించుకున్నాం. యాంటీ బ్యాక్టీరియల్‌, యాంటీ మైక్రోబియల్‌ వస్త్రాలను ఉపయోగించడంతో పాటు సురక్షిత విధానంలో తయారీని మొదలుపెట్టాం. తయారీనీ వీడియోలా ఉంచడంతోపాటు కాలాన్ని, ఫ్యాషన్‌ ధోరణులను దృష్టిలో పెట్టుకుని రూపొందించడం వల్ల అందరికీ చేరువయ్యాం’ అంటోంది 22 ఏళ్ల గెహనా. ఆదాయంలో కొంత భాగాన్ని ఓ సేవా సంస్థకీ అందజేస్తోంది. కరోనా తొలగిపోయే నాటికి ఫ్యాషన్‌ రంగంలో నిలదొక్కుకోవడం తన లక్ష్యమనే గెహనా.. తాజాగా యాక్సెసరీలపైనా దృష్టి పెడుతోంది. సంక్షోభంలో కొత్త అవకాశాల్ని సృష్టించుకున్న గెహనా ఈతరం యువతకు స్ఫూర్తి కదూ!



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని