Dearvasuarticle News, Headlines, Breaking News, Articles
close
Published : 22/06/2021 01:32 IST
Facebook Share WhatsApp Share Telegram Share

సహోద్యోగులతో కలిసిపోయేదెలా?

కొత్తగా ఉద్యోగంలో చేరాను. తోటి ఉద్యోగులతో సత్సంబంధాలు ఎలా, ఎంతవరకూ కొనసాగించాలి? ఆఫీసు విధులను ఎలా సమన్వయం చేసుకోవాలి?

- ఓ సోదరి

కొత్తగా ఉద్యోగంలో చేరినపుడు ఆరోగ్యకరమైన, వాస్తవిక అంచనాలను ఏర్పరచుకోవాలి. బృంద సభ్యులతో వివాదాలకు దూరంగా ఉండాలి. మొదట్లో మెప్పు పొందాలని చాలామంది ప్రతి పనినీ స్వీకరిస్తారు. మంచిదే.. కానీ కొన్ని నియమాలను పెట్టుకోండి. బృందానికి సాయాన్ని అందించడంలో ముందుకు రావడంతోపాటు మీ సమయం, శక్తి సామర్థ్యాలకు తగిన విలువ దక్కుతోందో లేదో కూడా చూసుకోవాలి. దీన్ని మొదట్నుంచే అమలు చేసుకోవాలి. వర్క్‌ ఫ్రం హోం విధానంలో యాజమాన్యాలు ఉద్యోగులు నిరంతరం అందుబాటులో ఉండాలని ఆశిస్తున్నాయి. కానీ మహిళలకు ఇల్లు, పిల్లల బాధ్యతల వంటివీ ఉంటాయి. మీ అందుబాటు గురించి స్పష్టతనివ్వాలి. ఉదాహరణకు- ఉదయం 8లోపు ఇంట్లో పనులుంటాయనో, రాత్రి 7 గం. తర్వాత ఫలానా పనులుంటాయి అనో చెప్పొచ్చు. అందుబాటులో ఉండలేని తేదీలనూ ముందుగానే చెప్పాలి. లేదంటే అత్యవసర పని ఎదురై, తీరా మీరు చేయలేని స్థితిలో ఉండి చేయకపోతే మీపై ప్రతికూల ప్రభావం పడొచ్చు. అలాగే సమయాల పట్ల ఖరాఖండీగానూ ఉండొద్దు. వీలున్నపుడు పని అందుకునేలానూ ఉండాలి.

సంస్థ, తోటివారు మీనుంచి ఏం ఆశిస్తున్నారో కూడా గమనించుకోండి. ఉదాహరణకు ఒక పని గంటలో అవుతుందనుకున్నారు అనుకుందాం. ఆలోగా చేయడానికి ప్రయత్నించండి. మీ చేతిలో తగినంత పని ఉండి, వేరేది అందుకోలేకపోతే దాన్నీ మీద వేసుకోకండి. వేరే వాళ్లకి ఇవ్వండి. వ్యక్తిగత పని కంటే బృందంతో చేయగలిగే వారికే ప్రాధాన్యం ఉంటుందని గుర్తుంచుకోండి. మీకు అనుకూలంగా ఒక్కసారిగా అందరూ పని విధానాన్ని మార్చుకుంటారనుకోవద్దు. వాళ్లూ మీపై కొన్ని అంచనాలతో ఉంటారు. వాటి గురించి తెలుసుకోండి. కొందరికి అదనపు సమయం పని చేయడం, వారాంతాల్లోనూ పని చేయడం సమంజసంగా తోచొచ్చు. మీకవి అసమంజసంగా అనిపించొచ్చు. వీటి గురించీ ముందుగానే చర్చించుకోవాలి. ఇలా పరస్పరం చర్చించుకోవడం ద్వారా మీరు కోరుకున్న సరిహద్దులను ఏర్పరచుకోగలుగుతారు. ఒక్కోసారి కొందరు వాటిని ఉల్లంఘించొచ్చు. చాలాసార్లు జరుగుతుంటే మాట్లాడి పరిష్కరించుకోవాలి. లేదంటే వేరొకరు వాటిని నిర్ణయిస్తారు. అది ఎప్పుడూ మంచిది కాదు.

మీ ప్రశ్న అడగండి

ధన్యవాదాలు, త్వరలో నిపుణులు మీ సందేహాన్ని నివృత్తి చేస్తారు

మరిన్ని

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని